IBomma Re-entry: ఐబొమ్మ నిర్వాహకుడిగా ఆరోపణలు ఎదుర్కొంటున్న రవిని ఇటీవల పోలీసులు అరెస్ట్ చేసిన సంగతి తెలిసిందే. ఆ సమయంలో వెబ్సైట్ కూడా అందుబాటులో లేకుండా పోవడంతో, ఇక ఐబొమ్మ కథ ముగిసిందని సినీ ఇండస్ట్రీ భావించింది.
కానీ, రవి బెయిల్పై విడుదలైన కొద్ది రోజులకే సైట్ మళ్లీ యాక్టివ్లోకి రావడం అందరినీ ఆశ్చర్యానికి గురిచేస్తోంది.
థియేటర్లలో ఉండగానే పైరసీ:
ప్రస్తుతం థియేటర్లలో ప్రదర్శితమవుతున్న అగ్ర హీరోల సినిమాలు, చిన్న చిత్రాలు సైతం ఈ వెబ్సైట్లో హెచ్డీ (HD) క్వాలిటీతో ప్రత్యక్షమవుతున్నాయి. దీనివల్ల బాక్సాఫీస్ వసూళ్లపై తీవ్ర ప్రభావం పడుతుందని నిర్మాతలు ఆందోళన వ్యక్తం చేస్తున్నారు. ఎన్నిసార్లు డొమైన్లను బ్లాక్ చేసినా, కొత్త కొత్త లింకులతో ఈ సైట్ పుట్టుకొస్తుండటం గమనార్హం.
IBomma Re-entry: సినీ వర్గాల స్పందన
ఈ వెబ్సైట్ రీ-ఎంట్రీపై సినీ పెద్దలు తీవ్ర విస్మయం వ్యక్తం చేస్తున్నారు. టెక్నాలజీని వాడుకుంటూ వ్యవస్థలను సవాలు చేస్తున్న ఇలాంటి సైట్లపై కఠిన చర్యలు తీసుకోవాలని, అలాగే ప్రజలు కూడా పైరసీని ప్రోత్సహించకుండా థియేటర్లలోనే సినిమాలు చూడాలని విజ్ఞప్తి చేస్తున్నారు.
Read Also hindi news: hindi.vaartha.com