Spam Calls: స్పామ్ కాల్స్, అనవసరమైన ప్రమోషనల్ మెసేజ్‌ల బెడద భారత్‌లో రోజురోజుకూ పెరుగుతోంది. ఇటీవల ట్రూకాలర్ విడుదల చేసిన నివేదిక ప్రకారం, ప్రపంచవ్యాప్తంగా అత్యధిక స్పామ్ కాల్స్ వస్తున్న దేశాల జాబితాలో భారత్ 5వ స్థానంలో నిలిచింది.

Read Also : Gold Rate Today : ఇరాన్ ఉద్రిక్తతలతో ఒక్కసారిగా పెరిగిన గోల్డ్ రేట్లు

టాప్ 5 దేశాలు

1. ఇండొనేషియా
2. చిలీ
3. వియత్నాం
4. బ్రెజిల్
5. భారత్

Spam Calls: TRAI DND యాప్‌తో స్పామ్ కాల్స్‌కు చెక్!

ఈ సమస్య నుండి వినియోగదారులను రక్షించడానికి టెలికాం రెగ్యులేటరీ అథారిటీ ఆఫ్ ఇండియా (TRAI) అధికారికంగా TRAI DND (Do Not Disturb) యాప్‌ను అందుబాటులోకి తెచ్చింది. ఈ యాప్ ద్వారా ప్రమోషనల్ కాల్స్, SMSలను సులభంగా నిరోధించవచ్చు. ఒకవేళ DND యాక్టివేట్ చేసిన తర్వాత కూడా స్పామ్ కాల్స్ వస్తే, వినియోగదారులు నేరుగా ఈ యాప్ ద్వారా ఫిర్యాదు చేయవచ్చు.

టెలికాం ఆపరేటర్ల ద్వారా DND యాక్టివేషన్

యాప్ మాత్రమే కాకుండా, ప్రముఖ టెలికాం కంపెనీలు కూడా తమ వినియోగదారుల కోసం సొంతంగా DND సేవలను అందిస్తున్నాయి:

• జియో (Jio), ఎయిర్‌టెల్ (Airtel), వొడాఫోన్ ఐడియా (Vi): ఈ నెట్‌వర్క్ వినియోగదారులు తమ ఆయా అధికారిక మొబైల్ యాప్‌ల ద్వారా కూడా ‘డు నాట్ డిస్టర్బ్’ సేవలను యాక్టివేట్ చేసుకోవచ్చు.

ప్రతి వినియోగదారుడు ఈ సదుపాయాలను ఉపయోగించుకోవడం ద్వారా అనవసరమైన కాల్స్, సైబర్ మోసాల నుండి తమను తాము రక్షించుకోవచ్చని నిపుణులు సూచిస్తున్నారు.