తాజాగా తన వ్యాఖ్యలపై స్పష్టతనిచ్చారు. అభిజీత్ దిప్కే నేతృత్వంలోని సీజేపీ పార్టీకి తాను మద్దతు ఇస్తున్నట్లు భావించవద్దని ఆయన తెలిపారు.

Rahul : రాహుల్ విమర్శలకు జైశంకర్ కౌంటర్

గురువారం తన ‘వీ ది లీడర్స్’ (We the Leaders) ఉద్యమం ఆధ్వర్యంలో జరిగిన కార్యక్రమంలో ఆయన మాట్లాడారు. కేంద్ర ప్రభుత్వాన్ని విమర్శిస్తూనే, ప్రధాని నరేంద్ర మోదీని ప్రశంసించారు. అలాగే సీజేపీ నిరసనల వెనుక ఉన్న అసలు కారణానికి మద్దతు వెల్లడించారు.

సీజేపీ నిరసనలు, సీఈవో రాజీనామా డిమాండ్

అక్టోబర్ 10న చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా డిమాండ్ చేస్తూ సీజేపీ నిరసనకారులు చేపట్టిన ఆందోళనలను అణచివేయడానికి పోలీసులు తీసుకున్న చర్యలను అన్నామలై తీవ్రంగా తప్పుపట్టారు. ఈ క్రమంలో ఆయన బీజేపీ నుంచి విమర్శలను ఎదుర్కొన్నారు. తాను దేశభక్తి గురించి ఎవరి నుంచి పాఠాలు నేర్చుకోవాల్సిన అవసరం లేదని గురువారం జరిగిన సమావేశంలో ఆయన తేల్చిచెప్పారు.

దేశభక్తిపై వ్యాఖ్యలు

“దేశంలోని అనేక రాష్ట్రాలలో నేను నివసించాను, పనిచేశాను. మన దేశ సమైక్యత, సార్వభౌమత్వం నాకు తెలుసు. కాబట్టి నాకు ఎవరూ దేశభక్తి పాఠాలు చెప్పాల్సిన అవసరం లేదు” అని ఆయన స్పష్టం చేశారు. సీజేపీ నిరసనకారులు ఏవైనా తప్పులు చేసి ఉంటే, కక్షసాధింపు ధోరణిని అవలంబించకుండా చట్టప్రకారమే ముందుకు వెళ్లాలని అధికారులను కోరారు.

నిబంధనల ప్రకారం అరెస్టులు: “చట్టం మరియు సరైన నిబంధనల ప్రకారమే అరెస్టులు జరగాలని మేము గట్టిగా నమ్ముతున్నాము” అని అన్నామలై పేర్కొన్నారు.

భద్రతా సంస్థల వినియోగం: “దేశ సార్వభౌమత్వానికి ముప్పు వాటిల్లితే మన వద్ద ఇంటెలిజెన్స్ బ్యూరో (IB), రా వంటి వ్యవస్థలు ఉన్నాయి. వాటిని ఉపయోగించండి, తప్పు చేసిన వారిని జైల్లో పెట్టండి. అంతేకొని ట్విటర్‌ వేదికగా అనవసరమైన భయాలను సృష్టించవద్దు” అని హితవు పలికారు.

ప్రజాస్వామ్య సంస్థలపై నమ్మకం, మోదీ ప్రశంసలు

ఎన్నికల సంఘం మరియు సుప్రీంకోర్టు వంటి ప్రజాస్వామ్య వ్యవస్థలపై ప్రజలకు ఉన్న నమ్మకాన్ని దెబ్బతీసే ప్రయత్నాలను సహించబోమని అన్నామలై స్పష్టం చేశారు. అదే సమయంలో ప్రధాని నరేంద్ర మోదీ చేస్తున్న మంచి పనులను ఆయన ప్రశంసించారు.

అయితే ఈ ప్రశంసలతో పాటు ఒక షరతు కూడా పెట్టారు. “మోదీ మంచి ప్రధాని, ఆయన గొప్ప పనులు చేస్తున్నారు. అయితే ఏదైనా తప్పుగా భావిస్తే ప్రశ్నించడానికి మేము వెనుకాడము” అని అన్నామలై కుండబద్దలు కొట్టారు.

కర్ణాటకలో విషాదం: బురదలో దిగబడిన కారు.. ఊపిరాడక ముగ్గురు మృతి