MI vs SRH IPL 2026: ఐపీఎల్ 2026 సీజన్‌లో ముంబై ఇండియన్స్ (MI) జట్టు వరుస ఓటములతో సతమతమవుతోంది. ఐపీఎల్ 2026 సీజన్‌లో భాగంగా సన్‌రైజర్స్ హైదరాబాద్‌తో బుధవారం జరిగిన మ్యాచ్‌లో ముంబై ఇండియన్స్ 6 వికెట్ల తేడాతో ఓటమిపాలైంది.

244 పరుగుల భారీ లక్ష్యాన్ని కాపాడుకోలేకపోయింది. ఈ మ్యాచ్‌ పరాజయం తర్వాత ముంబై ఇండియన్స్ ఫ్రాంచైజీ యజమాని నీతా అంబానీ, భావోద్వేగానికి లోనైన దృశ్యాలు చర్చనీయాంశమయ్యాయి.

Read Also:Jasprit Bumrah: "బుమ్రా ఏమీ యంత్రం కాదు".. కీరన్ పొలార్డ్

సొంత మైదానమైన వాంఖడే స్టేడియంలో వరుసగా నాలుగు మ్యాచ్‌లు ఓడిపోవడం ముంబై చరిత్రలో ఇదే మొదటిసారి. ఐదుసార్లు ఛాంపియన్‌గా నిలిచిన ముంబై ఇండియన్స్, ఈ సీజన్‌లో వరుస ఓటములతో తీవ్ర ఆందోళనలో ఉంది.244 పరుగుల లక్ష్యఛేదనలో సన్‌రైజర్స్ హైదరాబాద్ ఓపెనర్లు సృష్టించిన పరుగుల విధ్వంసం చూసి ఆమె భావోద్వేగానికి లోనయ్యారు. ముంబై బౌలర్లు చేతులెత్తేయడం, సన్‌రైజర్స్ బ్యాటర్లు ఆకాశమే హద్దుగా చెలరేగడంతో ఆమె తన ఎమోషన్‌ను ఆపుకోలేకపోయారు.