నడిరోడ్డుపై మహిళ పట్ల అమానుషంగా ప్రవర్తించిన సైకో

Manikonda crime: హైదరాబాద్ నగరంలోని మణికొండ ప్రాంతంలో అత్యంత అమానుషమైన, ఘటన వెలుగుచూసింది. పట్టపగలు, నడిరోడ్డుపై చంటి బిడ్డతో వెళ్తున్న ఒక మహిళ పట్ల ఒక సైకో యువకుడు ప్రవర్తించిన తీరు స్థానికంగా తీవ్ర కలకలం రేపుతోంది.

మణికొండలోని అల్కాపురి టౌన్‌షిప్ రోడ్డుపై ఒక మహిళ తన చంటి బిడ్డను ఎత్తుకుని సాధారణంగా నడుచుకుంటూ వెళ్తోంది. ఆ సమయంలో వెనుక నుంచి నడుస్తూ వచ్చిన ఒక గుర్తుతెలియని యువకుడు (సైకో), ఎవరూ ఊహించని విధంగా ఒక్కసారిగా ఆమె డ్రెస్సును పైకి లాగి వికృతంగా ప్రవర్తించాడు. హఠాత్తుగా జరిగిన ఈ ఘటనతో సదరు మహిళ తీవ్ర దిగ్భ్రాంతికి, భయాందోళనకు గురైంది. కాగా, ఈ అమానుష దృశ్యాలన్నీ అక్కడి పరిసరాల్లో ఉన్న సీసీటీవీ (CCTV) కెమెరాలో స్పష్టంగా రికార్డయ్యాయి.

Manikonda crime: సీసీటీవీ ఫుటేజీ బయటకు రావడంతో మణికొండ, అల్కాపురి పరిసర ప్రాంతాల ప్రజలు తీవ్ర ఆగ్రహం చేస్తున్నారు. మణికొండ ఐటీ కారిడార్‌కు సమీపంలో ఉండటంతో ఇక్కడ జనాభా దినదినాభివృద్ధి చెందుతోంది. అయితే, ఇదే సమయంలో ఇక్కడ ఆకతాయిల, పోకిరీల ఆగడాలు కూడా మితిమీరిపోతున్నాయని స్థానికులు ఆవేదన వ్యక్తం చేస్తున్నారు. ముఖ్యంగా మహిళలు, విద్యార్థినులు ఒంటరిగా రోడ్లపైకి రావాలంటేనే భయపడే వాతావరణం నెలకొందని వారు వాపోతున్నారు.

సీసీటీవీ విజువల్స్ ఆధారంగా ఆ సైకో యువకుడిని తక్షణమే గుర్తించి, అరెస్ట్ చేయాలని డిమాండ్ చేస్తున్నారు. అతనికి కఠినమైన శిక్ష పడేలా చేసి, మణికొండ ప్రాంతంలో మహిళలకు సరైన రక్షణ కల్పించాలని స్థానిక మహిళలు, కాలనీవాసులు గట్టిగా కోరుతున్నారు.