ఐపీఎల్ 2026 సీజన్‌లో భాగంగా నేడు క్రికెట్ అభిమానులకు అసలైన మజా అందనుంది. ముంబైలోని వాంఖడే స్టేడియం వేదికగా సన్‌రైజర్స్ హైదరాబాద్ (SRH), ముంబై ఇండియన్స్ (MI) జట్లు తలపడనున్నాయి.

ఈ మ్యాచ్ ఇరు జట్లకు, ముఖ్యంగా ముంబై ఇండియన్స్‌కు అత్యంత కీలకం కానుంది.

ముంబైకి చావో రేవో

ప్రస్తుత సీజన్‌లో ముంబై ఇండియన్స్ ప్రయాణం అంత సాఫీగా సాగడం లేదు. ఇప్పటివరకు ఆడిన 7 మ్యాచ్‌ల్లో కేవలం 2 విజయాలు మాత్రమే నమోదు చేసిన హార్దిక్ పాండ్యా సేన, పాయింట్ల పట్టికలో వెనుకబడి ఉంది. లీగ్ దశలో మరో 7 మ్యాచ్‌లు మాత్రమే మిగిలి ఉన్న తరుణంలో, ప్లేఆఫ్స్ రేసులో నిలవాలంటే ముంబై ప్రతి మ్యాచ్‌ను ఫైనల్‌గా భావించి గెలవాల్సిందే. ముఖ్యంగా గాయంతో సతమతమవుతున్న స్టార్ ఓపెనర్ రోహిత్ శర్మ ఈ మ్యాచ్‌లో అందుబాటులో ఉంటారా లేదా అన్నది అభిమానుల్లో ఉత్కంఠను రేపుతోంది. ఒకవేళ రోహిత్ ఆడకపోతే, అది ముంబై బ్యాటింగ్ లైనప్‌పై తీవ్ర ప్రభావం చూపే అవకాశం ఉంది.

Read Also : Meghalaya Honeymoon Murder Case Bail: మేఘాలయ హనీమూన్ హత్య కేసు.. సోనమ్‌కు బెయిల్ మంజూరు

సన్‌రైజర్స్ జోరు.. ముంబై పట్టు

మరోవైపు సన్‌రైజర్స్ హైదరాబాద్ ఈ సీజన్‌లో అద్భుతమైన ఫామ్‌లో ఉంది. వరుస విజయాలతో దూసుకుపోతున్న ప్యాట్ కమిన్స్ బృందాన్ని అడ్డుకోవడం ముంబై బౌలర్లకు పెద్ద సవాలే. అయితే, గణంకాలను పరిశీలిస్తే హైదరాబాద్ జట్టుదే పైచేయిగా కనిపిస్తోంది. ఇప్పటివరకు ఇరుజట్లు ఐపీఎల్ చరిత్రలో 34 సార్లు తలపడగా, ఎస్‌ఆర్‌హెచ్ 19 సార్లు విజయం సాధించింది, ముంబై 15 సార్లు గెలిచింది. ముంబై తన హోమ్ గ్రౌండ్‌లో చెలరేగి ఆడేందుకు సిద్ధమవుతుండగా, అదే ఉత్సాహంతో హైదరాబాద్ తన ఆధిపత్యాన్ని కొనసాగించాలని చూస్తోంది. పరుగుల వర్షం కురిసే వాంఖడే పిచ్‌పై టాస్ గెలిచిన జట్టు ఛేజింగ్‌కే మొగ్గు చూపే అవకాశం ఉంది.