Van Mahotsav : తెలంగాణను పచ్చని పొలిమేరగా మార్చేందుకు ప్రభుత్వం మరో బృహత్తర కార్యక్రమానికి శ్రీకారం చుట్టింది. ముఖ్యమంత్రి ఎనుముల రేవంత్ రెడ్డి రంగారెడ్డి జిల్లా గుర్రంగూడ ఎకో పార్కులో 'నాగలింగం' మొక్కను నాటి వనమహోత్సవం-2026ను అధికారికంగా ప్రారంభించనున్నారు.
పర్యావరణ పరిరక్షణ, అడవుల శాతాన్ని పెంచడమే ధ్యేయంగా సాగనున్న ఈ విడత వనమహోత్సవంలో అత్యంత ప్రతిష్టాత్మకంగా 16.06 కోట్ల మొక్కలను నాటాలని ప్రభుత్వం లక్ష్యంగా పెట్టుకుంది. ఇందుకోసం అటవీ శాఖ, గ్రామీణాభివృద్ధి శాఖలు సమన్వయంతో పనిచేస్తూ, రాష్ట్రవ్యాప్తంగా ఉన్న 13,242 నర్సరీల్లో వివిధ రకాల పండ్ల, నీడను ఇచ్చే మొక్కలను సిద్ధం చేశాయి. వర్షాకాలాన్ని అందిపుచ్చుకుంటూ ఊరూరా, వాడవాడలా ఈ మొక్కల పంపిణీ మరియు నాటడం ఒక యజ్ఞంలా సాగనుంది.
Read Also : తెలంగాణ లో వెనుకటి రోజులు తీసుకొచ్చిన కాంగ్రెస్ - KTR
పర్యావరణ రక్షణతో పాటు రూ.35.50 కోట్ల అభివృద్ధి పనులు
కేవలం మొక్కలు నాటడమే కాకుండా, రాష్ట్ర సమగ్ర అభివృద్ధికి ఈ వేదికగా నిలవనుంది. వనమహోత్సవ ప్రారంభోత్సవ కార్యక్రమంతో పాటే, గుర్రంగూడ పరిసర ప్రాంతాల్లో సుమారు రూ.35.50 కోట్ల వ్యయంతో చేపట్టనున్న పలు అభివృద్ధి పనులకు ముఖ్యమంత్రి రేవంత్ రెడ్డి శంకుస్థాపనలు, ప్రారంభోత్సవాలు చేయనున్నారు. పర్యావరణ సమతుల్యతను కాపాడుకుంటూనే, ప్రజలకు అవసరమైన మౌలిక వసతులను కల్పించడమే తమ ప్రభుత్వ విధానమని ఈ సందర్భంగా అధికారులు వెల్లడించారు. ప్రజా ప్రతినిధులు, ప్రభుత్వ యంత్రాంగంతో పాటు సాధారణ ప్రజలు, స్వచ్ఛంద సంస్థలు కూడా ఈ వనమహోత్సవంలో భాగస్వాములై తెలంగాణను హరిత రాష్ట్రంగా మార్చాలని ప్రభుత్వం పిలుపునిచ్చింది.
Read Also hindi news: hindi.vaartha.com
Read Also Epaper : epaper.vaartha.com
Read Also :