భీమవరం ప్రాంతంలో ఎంత విశేషమైన వంటకంగా పేరుగాంచినదో శెనగపప్పు మటన్ కూర. నోట్లో వేస్తే కరిగిపోయే మటన్ ముక్కలకు తోడు, పచ్చిశెనగపప్పు అందించిన విలక్షణమైన రుచి, హోయలు ఈ వంటకాన్ని ప్రత్యేకంగా నిలుపుతాయి. సంప్రదాయ పద్దతిలో, పక్కా కొలతలతో ఈ రుచికరమైన కూరను ఇంట్లోనే సులభంగా ఎలా తయారు చేసుకోవాలో ఇక్కడ చూద్దాం.

Read aso: Leftover Rice Idli: దూదిలాంటి ఇడ్లీల కోసం ఈ చిన్న టిప్ చాలు!

Simple and Tasty Mutton and Chana Dal Recipe

శెనగపప్పు మటన్ కూరకు కావలసిన పదార్థాలు:

• మటన్: శుభ్రంగా కడిగిన అర కిలో
• పచ్చిశెనగపప్పు: 2 గంటల పాటు నానబెట్టినది 1 కప్పు
• నూనె: 4 టేబుల్ స్పూన్లు
• ఉల్లిపాయలు: సన్నగా తరిగినవి 2
• పచ్చిమిర్చి: 2 ముక్కలుగా తరిగినవి
• పసుపు: సరిపడా
• ఉప్పు: రుచికి సరిపడా
• కారం: 2 టేబుల్ స్పూన్లు
• కొత్తిమీర, పుదీనా: తగినంత
• నీళ్ళు: 1 గ్లాసు

ఫ్రెష్ మసాలా పేస్ట్ కోసం:

• ధనియాలు: 1 టేబుల్ స్పూన్
• జీలకర్ర: అర టేబుల్ స్పూన్
• గసగసాలు: అర టేబుల్ స్పూన్
• లవంగాలు: 4
• యాలకులు: 1
• దాల్చినచెక్క: అంగుళం ముక్క
• అల్లం: 2 అంగుళాల ముక్క
• వెల్లుల్లి రెమ్మలు: 8

Chana dal mutton curry:శెనగపప్పు మటన్ కూర తయారీ విధానం:

1. మటన్ ఉడికించడం: ముందుగా శుభ్రం చేసిన మటన్‌ను ప్రెజర్ కుక్కర్‌లో వేయాలి. ఇందులో తగినంత ఉప్పు, చిటికెడు పసుపు, కొద్దిగా నీళ్లు పోసి కలపాలి. కుక్కర్ మూత పెట్టి మీడియం మంటపై 5 విజిల్స్ వచ్చే వరకు ఉడికించి పక్కన ఉంచుకోవాలి.
2. పప్పు నానబెట్టడం: ఇప్పుడు ఒక కప్పు పచ్చిశెనగపప్పును శుభ్రంగా కడిగి కనీసం రెండు గంటల పాటు నీళ్లలో నానబెట్టాలి. ఇలా చేయడం వల్ల పప్పు త్వరగా ఉడకడకుండా కూరకు చక్కని జిగురు వస్తుంది.
3. మసాలా తయారు చేయడం: ఇప్పుడు ధనియాలు, లవంగాలు, యాలకులు, దాల్చినచెక్క, జీలకర్ర, గసగసాలు, అల్లం, వెల్లుల్లిని మిక్సీ జార్‌లో వేసి, కొద్దిగా నీళ్లు చేర్చి మెత్తని పేస్ట్‌లా గ్రైండ్ చేసుకోవాలి. ఈ తాజా మసాలా కూరకు అసలైన భీమవరం ఘుమఘుమలను తెచ్చిపెడుతుంది.
4. పోపు మరియు మసాలా ఫ్రై: ఆ తర్వాత స్టవ్ వెలిగించి బాండీలో 4 టేబుల్ స్పూన్లు నూనె వేడి చేయాలి. నూనె కాగా సన్నగా తరిగిన ఉల్లిపాయలు, పచ్చిమిర్చి వేసి దోరగా, బంగారు రంగు వచ్చే వరకు వేయించాలి. అనంతరం నానబెట్టి నీళ్లు పచ్చిశెనగపప్పును, సిద్ధం చేసుకున్న తాజా మసాలా ముద్దను వేసి పచ్చివాసన పోయేదాకా 5 నుండి 7 నిమిషాల పాటు నూనెలో బాగా వేయించాలి.
5. మటన్ కలపడం: ఇప్పుడు మసాలా వేగిన తర్వాత కొత్తిమీర, పుదీనా ఆకులు వేసి కలపాలి. ఆపై ముందుగా కుక్కర్‌లో ఉడికించి పెట్టుకున్న మటన్ ముక్కలను రసంతో సహా బాండీలో వేయాలి. ఇందులో మరె చిటికెడు పసుపు, కారం వేసి ముక్కలకు మసాలా పట్టేలా బాగా కలపాలి. చివరగా ఒక గ్లాసు నీళ్లు పోసి మూతపెట్టి మీడియం మంటపై ఉడికించాలి.
6. తుది మెరుగు: గ్రేవీ చిక్కబడి, కూర సైడ్ నూనె తేలేంత వరకు ఉడికించి స్టవ్ ఆఫ్ చేయాలి. దీంతో నోరూరించే సంప్రదాయ ‘భీమవరం మటన్ శెనగపప్పు కూర’ రెడీ అవుతుంది.

ఈ కూరను వేడివేడి అన్నం, రోటీ, చపాతీ లేదా పుల్కాతో వడ్డించుకుంటే అద్భుతమైన రుచిని ఆస్వాదించవచ్చు!

Epaper: epaper.vaartha.com

ఆదివారం స్పెషల్ ఆదివాసీ స్టైల్ ఫిష్ ఫ్రై తయారీ