Hayagreeva Movie: ఈ మధ్య కాలంలో అటు పురాణాలతో ఇటు సైన్స్ తో ముడిపడిన కథలకు ప్రేక్షకులలో విపరీతమైన ఆదరణ లభిస్తోంది. అలాగే సస్పెన్స్ క్రైమ్ థ్రిల్లర్ జోనర్ కథలకు కూడా మార్కెట్‌లో మంచి డిమాండ్ ఉంది.

ఈ నేపథ్యంలోనే ఈ మూడు ఆసక్తికర అంశాలను మేళవించి తెరకెక్కిన సరికొత్త కన్నడ సినిమానే ‘హయగ్రీవ’. ధనిర్వ కథానాయకుడిగా నటించిన ఈ చిత్రం, ఫిబ్రవరి 27వ తేదీన థియేటర్లలో విడుదలైంది. థియేటర్లలో మిక్స్డ్ టాక్ తెచ్చుకున్న ఈ యాక్షన్ థ్రిల్లర్, తాజాగా ఈ నెల 22వ తేదీ నుంచి ప్రముఖ ఓటీటీ ప్లాట్‌ఫామ్ Amazon Primeవీడియోలో స్ట్రీమింగ్ అవుతోంది.

కథ.

సినిమా కథాంశం ప్రకారం.. హీరో అర్జున్ హయగ్రీవ ఒక పవర్‌ఫుల్ పోలీస్ ఆఫీసర్‌గా పనిచేస్తుంటాడు. అతను డ్యూటీలో ఉన్న సమయంలోనే నగరంలో వరుస హత్యలు జరుగుతూ పోలీసులకు సవాల్ విసురుతాయి. అసలు ఈ హత్యలు ఎవరు చేస్తున్నారు? ఎందుకు చేస్తున్నారు? అనే కోణంలో హంతకుడిని వెతికే పనిలో అర్జున్ ఇన్వెస్టిగేషన్ ప్రారంభిస్తాడు.

అయితే పోలీసులు ఎంతగా గాలించినా, హంతకుడు దొరకకుండా మరికొన్ని దారుణ హత్యలు చేస్తూ వెళ్తుంటాడు. ఈ క్రమంలోనే హంతకుడు హత్యలు చేయడానికి ఎంచుకుంటున్న విచిత్రమైన విధానంపై అర్జున్ హయగ్రీవ లోతుగా అధ్యయనం చేస్తాడు. ఆ పరిశోధనలో అతనికి ఒక ఊహించని నమ్మశక్యం కాని నిజం తెలుస్తుంది. ఆ తర్వాత అర్జున్ ఏం చేశాడు? ఆ నిజం వెనుక ఉన్న రహస్యం ఏంటి? దాని పర్యవసానాలు ఎలా ఉన్నాయి? అనేదే ఈ సినిమా పూర్తి కథ.

Read Also : Jana Nayagan Release Date: విజయ్ 'జన నాయగన్' రిలీజ్ డేట్ ఫిక్స్?

‘Hayagriva’ has come to OTT.. where can you watch it?

Hayagreeva Movie: ఈ కథ పురాణ కాలంలో శ్రీమహావిష్ణువు గుర్రం తలను ధరించి ‘హయగ్రీవుడిగా’ మారడం వంటి హైలైట్ సన్నివేశాలతో మొదలై, ఆ తర్వాత ప్రస్తుత కాలంలోకి మారుతుంది. పురాణ కాలానికి మరియు ప్రస్తుత ఆధునిక కాలానికి మధ్య కథను ముడిపెట్టిన తీరు ప్రేక్షకులలో ఎంతో ఆసక్తిని రేకెత్తిస్తోంది. ఈ చిత్రంలో సంజనా ఆనంద్ కథానాయికగా నటించగా.. సాధు కోకిల, రంగాయన రఘు, శరత్ లోహితస్య వంటి ప్రముఖ నటులు ఇతర ముఖ్యమైన పాత్రలను పోషించారు. ప్రస్తుతానికి ఈ సినిమా అమెజాన్ ప్రైమ్‌లో కన్నడ భాషలో మాత్రమే అందుబాటులోకి వచ్చింది. అయినప్పటికీ, దీనిలోని వైవిధ్యమైన కంటెంట్ కారణంగా ఇతర భాషల ఓటీటీ ప్రియులను సైతం ఆకట్టుకుంటూ వ్యూయర్‌షిప్‌లో దూసుకుపోతుండటం విశేషం.