Dhurandhar 2 OTT Release Date: బాలీవుడ్ స్టార్ హీరో రణవీర్ సింగ్ నటించిన భారీ యాక్షన్ స్పై థ్రిల్లర్ 'ధురంధర్ 2: ది రివెంజ్' ఎట్టకేలకు ఓటీటీ బాట పట్టింది.

థియేటర్ల వద్ద కలెక్షన్ల సునామీ సృష్టించిన ఈ చిత్రం, త్వరలోనే డిజిటల్ స్క్రీన్లపై సందడి చేసేందుకు సిద్ధమైంది. మే 14 నుంచి ఈ సినిమా అంతర్జాతీయంగా స్ట్రీమింగ్ కానున్నట్లు అధికారిక ప్రకటన వెలువడింది.

నెట్‌ఫ్లిక్స్‌లో అంతర్జాతీయ విడుదల - భారత్‌లో ఎక్కడ?

ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ ఈ సినిమా గ్లోబల్ స్ట్రీమింగ్ తేదీని ప్రకటించింది. అయితే, ఒక ముఖ్యమైన విషయం ఏమిటంటే.. ఈ చిత్రం భారత్ మినహా మిగిలిన అన్ని దేశాల్లో నెట్‌ఫ్లిక్స్‌లో అందుబాటులో ఉంటుంది. భారత ప్రేక్షకుల కోసం ఈ సినిమా జియోహాట్‌స్టార్ (JioHotstar) ప్లాట్‌ఫామ్‌లో మే 14 నుంచే అందుబాటులోకి వచ్చే అవకాశం ఉన్నట్లు తెలుస్తోంది. దీనిపై అధికారిక ప్రకటన రావాల్సి ఉంది.

Read Also:Razor Movie Review: రవిబాబు 'రేజర్‌' మూవీ రివ్యూ

'రా అండ్ అన్ దేఖా' వెర్షన్ - 3 గంటల 52 నిమిషాల నిడివి

థియేటర్లలో విడుదలైన వెర్షన్ కంటే ఓటీటీ వెర్షన్ చాలా ప్రత్యేకంగా ఉండబోతోంది. 'రా అండ్ అన్ దేఖా' (Raw & Undekha) అనే ట్యాగ్‌లైన్‌తో వస్తున్న ఈ సినిమా దాదాపు 3 గంటల 52 నిమిషాల సుదీర్ఘ రన్‌టైమ్‌తో ఉండటం విశేషం. సెన్సార్ కత్తెరకు గురైన సన్నివేశాలు, మేకింగ్ మరియు అదనపు ఫుటేజ్‌తో కూడిన అన్‌కట్ వెర్షన్‌ను ఓటీటీ ప్రియుల కోసం సిద్ధం చేశారు.

Dhurandhar 2 OTT Release Date: బాక్సాఫీస్ వద్ద కలెక్షన్ల ప్రభంజనం

ఆదిత్య ధర్ దర్శకత్వంలో తెరకెక్కిన ఈ చిత్రం మార్చి 19న విడుదలై రికార్డులను తిరగరాసింది. ఈ సినిమాలో రణవీర్ సింగ్‌తో పాటు సంజయ్ దత్, ఆర్. మాధవన్, అర్జున్ రాంపాల్ వంటి దిగ్గజ నటులు కీలక పాత్రలు పోషించారు.