ఈ ఆపరేషన్‌లో విదేశీ ఆయుధాలు, మందుగుండు సామాగ్రితో సహా నలుగురు సభ్యులను పోలీసులు అరెస్ట్ చేశారు. సరిహద్దుల దాటి డ్రోన్ల ద్వారా ఆయుధాల డెలివరీ పాకిస్థాన్‌కు చెందిన ఉగ్రవాద సంస్థలు మరియు విదేశాల్లో ఉన్న గ్యాంగ్‌స్టర్ దీపక్ నందాల్ ఈ నెట్‌వర్క్‌ను నడుపుతున్నారు. పంజాబ్‌లోని అమృత్‌సర్ సరిహద్దు గ్రామానికి చెందిన నిశాన్ సింగ్, పాకిస్థాన్ నుంచి డ్రోన్ ద్వారా తన పొలాల్లో పడే ఆయుధాలు, మ్యాగజైన్లను స్వీకరించేవాడని చండీగఢ్ ఎస్పీ (ఆపరేషన్స్) గీతాంజలి ఖండేల్‌వాల్ స్పష్టం చేశారు.నిందితుల వద్ద నుంచి 3 విదేశీ తయారీ పిస్టల్స్, 2 మ్యాగజైన్లు మరియు 19 సజీవ తూటాలను (Live Cartridges) పోలీసులు స్వాధీనం చేసుకున్నారు.

Read Also: Ghatkesar Crime: మద్యం మత్తులో భార్యను సిమెంట్ ఇటుకతో కొట్టి చంపిన భర్త

Police Busted Weapon

Police Busted Weapon : సోషల్ మీడియా ద్వారా నేరాల వైపు ఆకర్షణ

అరెస్టయిన మిగతా ముగ్గురు యువకులు రోహిత్, అజయ్, దేవ్ హరియాణాలోని జింద్ ప్రాంతానికి చెందినవారు. వీరి వయసు 18 నుంచి 19 ఏళ్ల మధ్యే ఉండటం గమనార్హం.సాధారణ చిన్నపాటి ఉద్యోగాలు చేసే ఈ యువకులు సోషల్ మీడియా (ఇన్‌స్టాగ్రామ్/టెలిగ్రామ్) ద్వారా గ్యాంగ్‌స్టర్ దీపక్ నందాల్ పరిచయంలోకి వచ్చారు.సులభంగా డబ్బు సంపాదించవచ్చనే ఆశతో ఈ చీకటి సామ్రాజ్యంలోకి ప్రవేశించి, డ్రోన్ల ద్వారా వచ్చే ఆయుధాలను వివిధ ప్రాంతాలకు చేరవేసే పనిని చేపట్టారు. పోలీసుల ప్రాథమిక విచారణలో నిందితులు గురుగ్రామ్‌లోని పలువురు ప్రముఖ వ్యాపారులు, ధనికులను లక్ష్యంగా చేసుకుని దాడులు, బలవంతపు వసూళ్లకు (Extortion) ప్లాన్ చేసినట్లు తేలింది. అందుకోసం ఇప్పటికే గురుగ్రామ్‌లోని కొన్ని ప్రాంతాల్లో రెక్కీ కూడా పూర్తి చేశారు. ఈ ముఠాకు సంబంధించిన ఆర్థిక లావాదేవీలు, ఫోన్ కాల్ డేటా మరియు సోషల్ మీడియా కాంటాక్ట్‌లను పోలీసులు విశ్లేషిస్తున్నారు. ఈ నెట్‌వర్క్ ద్వారా గతంలో ఇంకెవరికైనా ఆయుధాలు సరఫరా అయ్యాయా అనే కోణంలో ప్రత్యేక బృందాలు దర్యాప్తును వేగవంతం చేశాయి.

ముగ్గురి తర్వాత మళ్లీ ఆడబిడ్డ పుట్టిందని విషాదం!