రానున్న పది రోజుల పాటు ఎండల తీవ్రత మరింత పెరిగే అవకాశం ఉందని వాతావరణ శాఖ హెచ్చరికలు జారీ చేసింది. ముఖ్యంగా పగటి ఉష్ణోగ్రతలు 44 డిగ్రీల మార్కును దాటే ప్రమాదం ఉందని అధికారులు అంచనా వేస్తున్నారు. ఇప్పటికే తెలంగాణలోని మెజారిటీ జిల్లాల్లో 40 డిగ్రీలకు పైగా ఉష్ణోగ్రతలు నమోదవుతున్నాయి. దీనివల్ల ప్రజలు బయటకు రావాలంటేనే వణికిపోతున్నారు.

Read also: Telugu States Weather: తెలుగు రాష్ట్రాల్లో పెరగనున్న వడగాలులు

Scorching heat in the Telugu states.

Telangana Weather Updates: పగటి ఉష్ణోగ్రత 44 దాటే అవకాశం

తెలంగాణలోని ఆదిలాబాద్, నిజామాబాద్, ఖమ్మం, రంగారెడ్డి, సంగారెడ్డి వంటి జిల్లాల్లో వేడి తీవ్రత అసాధారణంగా పెరుగుతోంది. గత ఆదివారం నాటి లెక్కల ప్రకారం ఆదిలాబాద్‌లో 41.8 డిగ్రీల గరిష్ట ఉష్ణోగ్రత నమోదైంది. మరోవైపు ఆంధ్రప్రదేశ్‌లోని 51 మండలాల్లో తీవ్రమైన వడగాలులు వీచే అవకాశం ఉందని వాతావరణ నిపుణులు చెబుతున్నారు. రాయలసీమ, కోస్తాంధ్ర ప్రాంతాల్లో వేడితో పాటు గాలిలో తేమ శాతం పెరగడం వల్ల ఉక్కపోత ఎక్కువగా ఉంటుంది. దీనివల్ల ప్రజలు తీవ్ర అసౌకర్యానికి గురయ్యే ప్రమాదం ఉంది.

వడదెబ్బ తగలకుండా ప్రజలు తీసుకోవాల్సిన జాగ్రత్తలు

ఎండల తీవ్రత దృష్ట్యా ప్రజలు అప్రమత్తంగా ఉండాలని ప్రభుత్వం సూచించింది. మధ్యాహ్నం 12 గంటల నుంచి సాయంత్రం 4 గంటల వరకు అత్యవసరమైతే తప్ప బయటకు రాకపోవడం ఉత్తమం. ముఖ్యంగా చిన్న పిల్లలు, వృద్ధులు, గర్భిణీలు ఎండ ప్రభావానికి లోనుకాకుండా తగిన జాగ్రత్తలు తీసుకోవాలి. బయటకు వెళ్లాల్సి వస్తే గొడుగు, టోపీ ధరించడం, వెంట నీళ్ల సీసా ఉంచుకోవడం మర్చిపోవద్దు. శరీరంలో నీటి శాతం తగ్గకుండా కొబ్బరి నీళ్లు, మజ్జిగ వంటి పానీయాలు ఎక్కువగా తీసుకోవడం వల్ల వడదెబ్బ నుండి రక్షణ పొందవచ్చు.

Read hindi news: hindi.vaartha.com

Epaper: epaper.vaartha.com

Read Also:

ఏపీలో మళ్లీ పెరిగిన ఎండల తీవ్రత