సాధారణంగా సినిమాల విశేషాలను గుప్తంగా ఉంచే చిత్ర యూనిట్‌కు మెగాస్టార్ చిరంజీవి తనదైన శైలిలో ఒక స్వీట్ షాక్ ఇచ్చారు. ‘పెద్ది’ చిత్ర ట్రైలర్‌ను ముందే వీక్షించిన చిరంజీవి, ఆ అనుభవాన్ని అభిమానులతో పంచుకుంటూ సినిమాపై అంచనాలను ఒక్కసారిగా స్కై హైకి తీసుకెళ్లారు. చాలా రోజుల తర్వాత ఆయన మళ్లీ ‘చిరు లీక్స్’ ట్రాక్‌లోకి రావడం మెగా అభిమానుల్లో సరికొత్త జోష్ నింపింది.

Read Also : 'వృషకర్మ' మూవీ లేటెస్ట్ అప్డేట్

ఊహకు అందని విజువల్ వండర్

ఈ సినిమా కథనం మరియు ట్రైలర్ కట్‌పై చిరంజీవి ప్రశంసల వర్షం కురిపించారు. దాదాపు మూడు నిమిషాల పాటు సాగే ఈ ట్రైలర్ పూర్తిగా ‘ఫైర్ పవర్ ప్యాక్డ్’గా డిజైన్ చేయబడిందని ఆయన వెల్లడించారు. ప్రేక్షకులు ఈ సినిమా గురించి ఎంతగా ఊహించుకున్నా, ట్రైలర్ మాత్రం అంతకుమించి ఉంటుందని ఆయన స్పష్టం చేశారు. ఆస్కార్ విజేత ఏఆర్ రెహమాన్ అందించిన బ్యాక్‌గ్రౌండ్ స్కోర్, బుచ్చిబాబు మేకింగ్ స్టైల్, రామ్ చరణ్ స్క్రీన్ ప్రెజెన్స్ థియేటర్లలో రఫ్ఫాడించడం ఖాయమని చిరు కొనియాడారు. కేవలం యాక్షన్ మాత్రమే కాకుండా ఎమోషన్స్, మాస్ ఎలివేషన్స్, మరియు ఒక రకమైన ‘మ్యాడ్నెస్’ ఇందులో నెక్స్ట్ లెవెల్‌లో ఆవిష్కృతమయ్యాయని ఆయన పేర్కొనడం సినిమా రేంజ్‌ను తెలియజేస్తోంది.

డైలాగ్ లీక్ చేసిన మెగాస్టార్

ఇక ఎప్పటిలాగే తన ‘లీకింగ్’ అలవాటును కొనసాగిస్తూ చిరంజీవి ఈ సినిమాలోని ఒక పవర్‌ఫుల్ డైలాగ్‌ను పబ్లిక్‌గా చెప్పేశారు. “మీరందరూ నేను ఆడానని అనుకుంటున్నారు.. నేను పోరాడాను” అనే పదునైన డైలాగ్‌ను లీక్ చేసి నందమూరి, మెగా అభిమానుల్లో పూనకాలు తెప్పించారు. ఈ డైలాగ్ చరణ్ క్యారెక్టరైజేషన్‌ను, సినిమాలో ఆయన పడే సంఘర్షణను ప్రతిబింబించేలా ఉందని ఇండస్ట్రీ వర్గాలు భావిస్తున్నాయి. అయితే, ఇలా ముందే డైలాగ్ లీక్ చేసినందుకు గాను.. “చాలా రోజుల తర్వాత మళ్లీ నా చిరు లీక్స్ ఇచ్చాను.. నన్ను క్షమించు బుచ్చిబాబు” అంటూ దర్శకుడికి చిరు సరదాగా సారీ చెప్పడం విశేషం. ఈ లీక్‌తో ‘పెద్ది’ సినిమా బాక్సాఫీస్ వద్ద ఎలాంటి సంచలనాలు సృష్టించబోతోందోననే ఉత్కంఠ అందరిలోనూ రెట్టింపైంది.

Read Also hindi news: hindi.vaartha.com

Read Also Epaper : epaper.vaartha.com

Read Also :

అర్ధరాత్రి నడిరోడ్డుపై దీనస్థితిలో ప్రముఖ నటి.. !!