ఈ ప్రమాద ధాటికి బస్సు తీవ్రంగా దెబ్బతినగా, అందులో ప్రయాణిస్తున్న 40 మంది ప్రయాణికులకు తీవ్ర గాయాలయ్యాయి.

బాధితులంతా కాకినాడ జిల్లా ఉప్పాడ ప్రాంతానికి చెందినవారుగా అధికారులు గుర్తించారు. తునిలో వివాహ వేడుక ప్రశాంతంగా ముగిసిన అనంతరం, శుభకార్యం ముగించుకుని బస్సులో అందరూ తిరిగి ఉప్పాడకు బయలుదేరారు. మార్గమధ్యంలో రాజుల కొత్తూరు సమీపానికి రాగానే ఎదురుగా వస్తున్న కంటైనర్ లారీ బస్సును బలంగా ఢీకొనడంతో ఈ ఘటన జరిగింది.

Read Also : Vizianagaram Murder : విజయనగరంలో దారుణం: ప్రియుడిని ఇనుపరాడ్డుతో కొట్టి చంపిన మహిళ

Container truck rams into wedding bus; 40 injured.

Kakinada Road Accident: బస్సు అద్దాలు పగులగొట్టి బయటకు..

ప్రమాదం జరిగిన వెంటనే బస్సులో తీవ్ర కలకలం రేగింది. సమాచారం అందుకోగానే క్షతగాత్రులను కాపాడేందుకు సహాయక చర్యలు చేపట్టారు. ప్రమాద తీవ్రత ఎక్కువగా ఉండటంతో బస్సు ప్రధాన తలుపులు రాకపోకలకు వీలులేకుండా పోవడంతో ప్రయాణికులు బస్సు అత్యవసర కిటికీలు మరియు అద్దాలను పగులగొట్టి బయటకు రావాల్సి వచ్చింది.

తుని ప్రభుత్వ ఆస్పత్రికి తరలింపు

గాయపడిన 40 మంది బాధితులను వెంటనే స్థానికులు, పోలీసులు కలసి అంబులెన్సుల్లో తుని ప్రభుత్వ ఆసుపత్రికి తరలించారు. ఆసుపత్రిలో ప్రస్తుతం బాధితులకు ప్రత్యేక వైద్య బృందం చికిత్స అందిస్తోంది. ప్రమాదంలో తీవ్రంగా గాయపడిన వారి ఆరోగ్యాన్ని వైద్యులు నిరంతరం పర్యవేక్షిస్తున్నారు. సంఘటనా స్థలానికి చేరుకున్న పోలీసులు కేసు నమోదు చేసి ప్రమాదానికి గల కారణాలపై దర్యాప్తు జరుపుతున్నారు.

ఆ తండ్రికి మనసు ఎలా వచ్చిందో!..ఊహించని దారుణానికి ఒడిగట్టాడు