Kurnool Lightning Strike: కర్నూలు జిల్లా ఓర్వకల్లు మండలం ఉప్పలపాడు గ్రామంలో సోమవారం తీవ్ర విషాదం చోటుచేసుకుంది. చేనులో వ్యవసాయ పనులు చేస్తుండగా ఒక్కసారిగా పిడుగు పడటంతో ఇద్దరు మహిళా రైతులు అక్కడికక్కడే ప్రాణాలు కోల్పోయారు.
ఈ హృదయవిదారక ఘటనతో ఉప్పలపాడు గ్రామంలో తీవ్ర విషాద ఛాయలు అలముకున్నాయి.
Read Also : Sangareddy news: స్పెషల్ బస్సులు నడపాలని విద్యార్థుల ధర్నా
Two women die after being struck by lightning in a field.
Kurnool Lightning Strike: ఊహించని రీతిలో మారిన వాతావరణం
స్థానికులు, అధికారుల కథనం ప్రకారం.. ఉప్పలపాడు గ్రామానికి చెందిన ఆ ఇద్దరు మహిళలు రోజూలాగే ఉదయాన్నే తమ పొలానికి పనుల నిమిత్తం వెళ్లారు. మధ్యాహ్నం సమయంలో ఒక్కసారిగా వాతావరణం మారిపోయి ఈదురుగాలులతో కూడిన భారీ వర్షం ప్రారంభమైంది. పొలంలోనే ఉన్న సమయంలో ఉన్నట్టుండి భారీ శబ్దంతో వారిపై పిడుగు పడింది. ఈ ప్రమాదంలో తీవ్రంగా గాయపడిన ఆ ఇద్దరు మహిళలు అక్కడికక్కడే కన్నుమూసారు.
ఘటన స్థలానికి పోలీసులు, రెవెన్యూ అధికారులు
సమాచారం అందుకున్న వెంటనే పోలీసులు, రెవెన్యూ అధికారులు హుటాహుటిన సంఘటనా స్థలానికి చేరుకుని పరిస్థితిని సమీక్షించారు. మృతదేహాలను స్వాధీనం చేసుకుని పోస్టుమార్టం నిమిత్తం సమీప ప్రభుత్వ ఆసుపత్రికి తరలించారు. ఉదయం ఇంట్లో నుంచి పనికి వెళ్లిన మహిళలు మధ్యాహ్నానికి విగతజీవులుగా తిరిగిరావడంతో మృతుల కుటుంబ సభ్యులు కన్నీరుమున్నీరుగా విలపిస్తున్నారు. బాధితుల కుటుంబాలను ప్రభుత్వం ఆదుకోవాలని గ్రామస్థులు కోరుతున్నారు.
ట్యాంక్‌బండ్‌పై ఉద్రిక్తత.. గణేశ్ నిమజ్జన ఆంక్షలపై ఉత్సవ సమితి రచ్చ