Modi : నరేంద్ర మోదీ దేశ ప్రధానిగా పన్నెండేళ్ల సుదీర్ఘ ప్రస్థానాన్ని విజయవంతంగా పూర్తి చేసుకుని, స్వతంత్ర భారతదేశ చరిత్రలోనే అత్యధిక కాలం నిరంతరాయంగా సేవాలందించిన ప్రజాస్వామ్యయుత ఎన్నికైన ప్రధానిగా సరికొత్త రికార్డు సృష్టించారు.

ఈ చారిత్రాత్మక మైలురాయిని పురస్కరించుకుని దేశ రాజధాని ఢిల్లీలోని భారత్ మండపంలో ఎన్డీఏ (NDA) పక్షాల నేతలతో మోదీ అధ్యక్షతన అత్యంత కీలకమైన సమావేశం జరగనుంది. ఎన్డీఏ కూటమి భాగస్వామ్య పక్షాలు అధికారంలో ఉన్న 22 రాష్ట్రాలు, కేంద్రపాలిత ప్రాంతాలకు చెందిన ముఖ్యమంత్రులు, ఉప ముఖ్యమంత్రులు మరియు కీలక సీనియర్ నేతలు ఈ భేటీకి తరలివస్తున్నారు. ఆంధ్రప్రదేశ్ ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ సైతం ఈ సదస్సులో పాల్గొని మోదీ పాలనా విజయాలపై ప్రత్యేక తీర్మానాన్ని ప్రవేశపెట్టనుండటం తెలుగు రాష్ట్రాల్లో ప్రాధాన్యత సంతరించుకుంది.

Read Also ; కలెక్టర్ చేతుల మీదుగా 'మాస్టర్ యువర్ మైండ్' పుస్తకావిష్కరణ!

వికసిత్ భారత్ రోడ్‌మ్యాప్ - ప్రాంతీయ ప్రగతిపై విస్తృత చర్చ!

ఈ ఉన్నత స్థాయి సమావేశంలో దేశ భవిష్యత్తును మార్చే వ్యూహాత్మక అంశాలపై లోతైన చర్చలు జరగనున్నాయి. ముఖ్యంగా రాబోయే రోజుల్లో దేశాన్ని అగ్రగామిగా నిలిపే ‘వికసిత్ భారత్’ (Viksit Bharat) రోడ్‌మ్యాప్‌ను ఖరారు చేయడం, వివిధ రాష్ట్రాల్లో కేంద్ర ప్రభుత్వ సంక్షేమ పథకాల వేగవంతమైన అమలు తీరును సమీక్షించడంపై ప్రధానంగా దృష్టి సారించనున్నారు. అలాగే దేశవ్యాప్తంగా పెండింగ్‌లో ఉన్న భారీ మౌలిక సదుపాయాల (Infrastructure) ప్రాజెక్టుల పురోగతితో పాటు, అంతర్జాతీయంగా ప్రస్తుతం ప్రకంపనలు సృష్టిస్తున్న పశ్చిమాసియా సంక్షోభం (West Asia Crisis), దానివల్ల భారతదేశ ఆర్థిక, వ్యూహాత్మక రంగాలపై పడే ప్రభావాల గురించి కూటమి నేతలు మేధోమథనం చేయనున్నారు. కూటమిలోని భాగస్వామ్య పక్షాల మధ్య సమన్వయాన్ని మరింత బలోపేతం చేస్తూ, క్షేత్రస్థాయిలోకి సుపరిపాలనను తీసుకెళ్లడమే లక్ష్యంగా ఈ భేటీ సాగనుంది.