Stewart McLean: ప్రముఖ కెనడియన్ నటుడు స్టీవర్ట్ మెక్‌లీన్ అనుమానాస్పద స్థితిలో మృతి చెందడం సినీ వర్గాల్లో తీవ్ర కలకలం రేపింది. వర్జిన్ రివర్ వంటి ప్రసిద్ధ సిరీస్‌లలో నటించి గుర్తింపు పొందిన ఈ నటుడు హత్యకు గురయ్యారని కెనడా పోలీసులు తాజాగా నిర్ధారించారు.

ఈ ఘటన ప్రస్తుతం అంతర్జాతీయంగా చర్చనీయాంశంగా మారింది.

Read also: Lucknow Tejas Hospital Case: డాక్టర్ వృత్తికే మచ్చ..మత్తు మందు ఇచ్చి యువతిపై అత్యాచారం!

Stewart McLean homicide investigation

అదృశ్యం నుండి మృతదేహం వరకు

స్టీవర్ట్ మెక్‌లీన్ మే 18న అదృశ్యమయ్యారు. ఆయన కోసం పోలీసులు తీవ్రంగా గాలింపు చేపట్టగా, కొద్ది రోజుల్లోనే బ్రిటీష్ కొలంబియా ప్రాంతంలో ఆయన మృతదేహం లభ్యమైంది. అదృశ్యమైన కొద్ది కాలానికే ఇలా విగతజీవిగా కనిపించడం అందరినీ దిగ్భ్రాంతికి గురి చేస్తోంది. ఈ నటుడి మృతి వెనుక ఏదో పెద్ద కుట్ర దాగి ఉందని అనుమానాలు వ్యక్తమవుతున్నాయి.

Stewart McLean: హత్యగా మారిన దర్యాప్తు

ఈ కేసును అత్యంత కీలకంగా పరిగణిస్తున్న పోలీసులు, దీనిని హత్యగా కేసు నమోదు చేశారు. విచారణలో లభించిన ఆధారాల దృష్ట్యా ఈ వ్యవహారం హోమిసైడ్ ఇన్వెస్టిగేషన్ టీమ్ (IHIT) చేతుల్లోకి వెళ్ళింది. స్టీవర్ట్ మెక్‌లీన్ మృతికి గల కారణాలు, దీని వెనుక ఉన్న వ్యక్తుల గురించి పూర్తి స్థాయి దర్యాప్తు వేగంగా సాగుతోంది.