Prasad corp: భారతీయ చలనచిత్ర రంగంలో సరికొత్త విప్లవానికి, పాత రోజుల్లోని క్లాసిక్ సినిమా నిర్మాణ శైలి పునరుజ్జీవనానికి పునాది పడింది. భారతదేశపు అనాలోగ్ ఫిల్మ్ మేకింగ్ మౌలిక వసతులను (Analogue Filmmaking Infrastructure) మరింత బలోపేతం చేసే దిశగా ప్రముఖ టెక్నాలజీ సంస్థ 'ప్రసాద్ కార్పొరేషన్' (Prasad Corp) మరియు 'మన్సూన్ కలర్ ల్యాబ్' (Monsoon Colour Lab) లు చేతులు కలిపాయి.
సాంప్రదాయ ఫిల్మ్ ఫార్మాట్లతో పనిచేసే క్రియేటర్ల కోసం సరికొత్త 'ఎండ్-టు-ఎండ్ ఫిల్మ్ ప్రొడక్షన్ ఈకోసిస్టమ్' (Integrated Film Production Ecosystem) ను రూపొందిస్తున్నట్లు రెండు సంస్థలు అధికారికంగా ప్రకటించాయి. ప్రస్తుతం డిజిటల్ కెమెరాల యుగం నడుస్తున్నప్పటికీ, ప్రపంచవ్యాప్తంగా అనాలోగ్ (ఫిల్మ్ రీల్స్) మేకింగ్పై సరికొత్త ఆసక్తి పెరుగుతోంది.
Read Also :Pawan Injury : పవన్ కళ్యాణ్ కు గాయం అని తెలిసి ఎమోషనలైనా బండ్ల గణేష్
85 ఏళ్ల లెగసీ రీ-ఎంట్రీ.. ఒకే గొడుగు కిందకు సేవలు!
భారతదేశంలో ‘ఫిల్మ్ ల్యాబ్ ఇండియా’ (Film Lab India) కి ఉన్న 85 సంవత్సరాల సుదీర్ఘమైన చారిత్రాత్మక వారసత్వాన్ని 'మన్సూన్ కలర్ ల్యాబ్' మళ్లీ పునరుద్ధరిస్తోంది. ఈ వ్యూహాత్మక భాగస్వామ్యం ద్వారా 35mm, 16mm, మరియు సూపర్8 (Super8) ఫిల్మ్ ఫార్మాట్లలో షూట్ చేసే సినిమాల కోసం ఫిల్మ్ ప్రాసెసింగ్, నేటివ్ 4K స్కానింగ్, రీస్టోరేషన్ (పునరుద్ధరణ), కలర్ గ్రేడింగ్ మరియు పోస్ట్-ప్రొడక్షన్ సేవలను ఒకే చోట అందించనున్నారు. ఇప్పటివరకు ఫిల్మ్ రీల్స్పై షూట్ చేసే భారతీయ దర్శకులు ప్రాసెసింగ్ మరియు పోస్ట్-ప్రొడక్షన్ సేవల కోసం అంతర్జాతీయ ల్యాబ్లపై (లండన్ లేదా హాలీవుడ్) ఆధారపడాల్సి వచ్చేది. ఇప్పుడు ఈ లోకల్ ఇన్ఫ్రాస్ట్రక్చర్ అందుబాటులోకి రావడం వల్ల విదేశాలపై ఆధారపడటం తగ్గడమే కాకుండా, ఖర్చు మరియు సమయం (Turnaround Times) భారీగా ఆదా అవుతాయి.
ప్రసాద్ కార్ప్ 'స్కానిటీ హెచ్డీఆర్' (Scanity HDR) మ్యాజిక్
ఈ భాగస్వామ్యంలో భాగంగా, ప్రసాద్ కార్ప్ తన అత్యంత అధునాతన 'Scanity HDR native 4K film scanner' టెక్నాలజీని రంగంలోకి దించనుంది.ఈ స్కానర్ సెకనుకు ఏకంగా 15 ఫ్రేమ్ల (15 fps) వేగంతో కెమెరా నెగెటివ్లను స్కాన్ చేయగలదు. ఫిల్మ్కు మాత్రమే ఉండే ప్రత్యేకమైన విజువల్ క్వాలిటీ మరియు గ్రెయిన్ టెక్స్చర్ను దెబ్బతీయకుండా ఇది డిజిటల్లోకి మారుస్తుంది. ఈ సరికొత్త ఇన్ఫ్రాస్ట్రక్చర్ గత కొన్ని నెలలుగా అప్పుడే పలు ప్రాజెక్టులకు సేవలు అందించింది. ఇందులో ఇప్పటికే మూడు ప్రధాన ఫీచర్ ఫిల్మ్స్ (ఒకటి 35mm, రెండు 16mm ఫార్మాట్లలో షూట్ చేసినవి) విజయవంతంగా పూర్తి కాగా.. పదుల సంఖ్యలో షార్ట్ ఫిల్మ్స్, కమర్షియల్ యాడ్స్ మరియు మ్యూజిక్ వీడియోలు ఈ వర్క్ఫ్లో ద్వారా ప్రాసెస్ అయ్యాయి.
Prasad corp: కంపెనీ ప్రతినిధుల స్పందన
“సినిమా అనేది దర్శకులకు ఎల్లప్పుడూ ఒక ప్రత్యేకమైన సృజనాత్మక అనుభూతిని ఇస్తుంది. ఈ భాగస్వామ్యం ద్వారా భారతదేశంలోని క్రియేటర్లకు ప్రపంచ స్థాయి ఫిల్మ్ ప్రాసెసింగ్, స్కానింగ్ వసతులను స్థానికంగానే అందిస్తున్నాం. కొత్త తరం కథకులకు ఫిల్మ్ లెగసీని అందుబాటులోకి తెస్తున్నందుకు ఆనందంగా ఉంది.” “ఫిల్మ్పై పనిచేయాలనుకునే క్రియేటర్లకు ఈ కొలాబరేషన్ ఒక పూర్తిస్థాయి ఈకోసిస్టమ్ను అందిస్తుంది. మా ల్యాబ్ ప్రాసెసింగ్ నైపుణ్యానికి, ప్రసాద్ కార్ప్ అధునాతన స్కానింగ్ సామర్థ్యాలను జత చేయడం ద్వారా అనాలోగ్ ప్రొడక్షన్ను మరింత ప్రాక్టికల్, నమ్మకమైనదిగా మార్చాము.”