Andhra Pradesh Rains: దేశవ్యాప్తంగా ఎంతో ఆసక్తిగా ఎదురుచూస్తున్న నైరుతి రుతుపవనాల (Southwest Monsoon) రాకపై భారత వాతావరణ శాఖ (IMD) కీలక సమాచారాన్ని అందించింది.

రాగల 24 గంటల్లోనే ఈ రుతుపవనాలు కేరళ తీరాన్ని తాకేందుకు పూర్తి అనుకూల పరిస్థితులు ఉన్నాయని అధికారులు వెల్లడించారు. కేరళలో ప్రవేశించిన అనంతరం ఇవి దేశంలోని ఇతర రాష్ట్రాలకు క్రమంగా విస్తరించనున్నాయి. గురువారం నాటికి నైరుతి, ఆగ్నేయ అరేబియా సముద్ర ప్రాంతాలు, లక్షద్వీప్ దీవులు, కేరళతో పాటు తమిళనాడులోని కొన్ని ప్రాంతాలకు రుతుపవనాలు విస్తరిస్తాయని వాతావరణ కేంద్రం స్పష్టం చేసింది.

Weather Forecast AP

Read also: Vangalapudi Anita: డీఎస్సీలో అక్రమాలు జరిగాయంటూ తప్పుడు ప్రచారం చేస్తే ఊరుకునేది లేదు: హోంమంత్రి అనిత

ద్రోణి ప్రభావంతో ఏపీలో ఐదు రోజుల పాటు వర్ష సూచన

ప్రస్తుతం పశ్చిమ ఉత్తరప్రదేశ్ పరిసర ప్రాంతాల్లో ఏర్పడిన ఉపరితల ఆవర్తనం కారణంగా.. మధ్యప్రదేశ్ నుండి విదర్భ, తెలంగాణ, రాయలసీమ మీదుగా ఉత్తర తమిళనాడు వరకు ఒక ద్రోణి (Trough) కొనసాగుతోంది. ఈ వాతావరణ మార్పుల ప్రభావంతో రాబోయే ఐదు రోజుల పాటు ఆంధ్రప్రదేశ్‌లోని పలు జిల్లాల్లో తేలికపాటి నుండి మోస్తరు వర్షాలు కురిసే అవకాశం ఉందని వాతావరణ అధికారులు అంచనా వేస్తున్నారు. పలు ప్రాంతాల్లో గంటకు బలమైన ఈదురు గాలులు వీయడంతో పాటు, ఉరుములు, మెరుపులతో కూడిన వర్షాలు పడే సూచనలు ఉన్నాయని హెచ్చరించారు.