రెండోసారి తల్లి కాబోతున్న దీపికా.. దువాతో కలిసి క్రేజీగా ప్రెగ్నెన్సీ అనౌన్స్‌మెంట్

Deepika Padukone: బాలీవుడ్ స్టార్ కపుల్ దీపికా పదుకొణె, రణ్‌వీర్ సింగ్ తమ అభిమానులకు అదిరిపోయే తీపి కబురు అందించారు. మొదటి బిడ్డ 'దువా' పుట్టిన కొన్నాళ్లకే, ఈ జంట ఇప్పుడు తమ జీవితంలోకి రెండో చిన్నారిని ఆహ్వానించబోతున్నట్లు అధికారికంగా ప్రకటించారు.దీపికా గర్భవతి అనే విషయాన్ని ఈ జంట ఎంతో వినూత్నంగా, క్యూట్‌గా సోషల్ మీడియా వేదికగా వెల్లడించారు.

దువా చేతిలో ప్రెగ్నెన్సీ కిట్

దీపికా తన ఇన్‌స్టాగ్రామ్ ఖాతాలో షేర్ చేసిన ఫోటో ఇప్పుడు అందరినీ ఆకట్టుకుంటోంది.ఈ ఫోటోలో వీరి మొదటి కుమార్తె దువా, తన చేతిలో పాజిటివ్ వచ్చిన ప్రెగ్నెన్సీ టెస్ట్ కిట్‌ను పట్టుకుని ముసిముసి నవ్వులు చిందిస్తూ కనిపించింది.ఈ పోస్ట్‌కు దీపికా ఎలాంటి సుదీర్ఘమైన క్యాప్షన్ రాయకుండా, కేవలం రెండు దిష్టిచుక్క (Evil Eye) ఎమోజీలను మాత్రమే జతచేసి తన ఆనందాన్ని పంచుకున్నారు.

Deepika Padukone: వెల్లువెత్తిన శుభాకాంక్షలు

ఈ పోస్ట్ చూసిన వెంటనే అభిమానులతో పాటు సినీ ఇండస్ట్రీకి చెందిన సహచర నటీనటులు తమ సంతోషాన్ని వ్యక్తం చేస్తున్నారు.సమంత, పరిణీతి చోప్రా వంటి స్టార్ హీరోయిన్లు రెడ్ హార్ట్ ఎమోజీలతో తమ ప్రేమను కురిపించగా, భూమి పెడ్నేకర్ "కంగ్రాట్యులేషన్స్" అంటూ విష్ చేశారు.రణ్‌వీర్ సింగ్ కూడా ఈ పోస్ట్‌పై రియాక్ట్ అవుతూ తన సంతోషాన్ని వ్యక్తపరిచారు.