Jonna Sangati: నేటి కాలంలో మారుతున్న అలవాట్ల వల్ల చాలా మందికి రోగనిరోధక శక్తి తగ్గిపోతోంది. చిన్న వయసులోనే కీళ్ల నొప్పులు, నీరసం వంటి సమస్యలు వేధిస్తున్నాయి.

ఇలాంటి వారు తమ డైట్‌లో పాతకాలపు ఆహారమైన జొన్న సంగటి చేర్చుకోవడం చాలా అవసరం. దీనిలోని పోషకాలు శరీరానికి తక్షణ శక్తిని అందించి ఎముకలను బలంగా మారుస్తాయి. ప్రతిరోజూ దీనిని తీసుకోవడం వల్ల అనారోగ్య సమస్యలు దరిచేరవు.

Read also: Viagra side effects: వయాగ్రా ఎక్కువగా వాడితే ప్రాణానికే ప్రమాదమా?

Sorghum Sangati: Relieves Joint Pain

Jonna Sangati: మధుమేహం నియంత్రణకు ఉత్తమ మార్గం

షుగర్ వ్యాధితో బాధపడే వారికి జొన్నలు ఒక వరప్రసాదం అని చెప్పవచ్చు. జొన్న సంగటిని క్రమం తప్పకుండా తినడం వల్ల రక్తంలోని చక్కెర స్థాయిలు అదుపులో ఉంటాయి. ఇందులో ఉండే పీచు పదార్థం జీర్ణక్రియను మెరుగుపరిచి బరువు తగ్గడానికి కూడా సహకరిస్తుంది. మందుల మీద ఆధారపడకుండా సహజంగా ఆరోగ్యాన్ని కాపాడుకోవాలని చూసే వారికి ఇది సరైన ఎంపిక. దీనివల్ల గుండె ఆరోగ్యం కూడా మెరుగుపడుతుంది.

రుచికరమైన సంగటి తయారీ విధానం

ఒక కప్పు జొన్నలను రాత్రంతా నానబెట్టి మరుసటి రోజు గ్రైండ్ చేసుకోవాలి. స్టవ్ మీద ఎసరు పెట్టి అందులో కొంచెం మిరియాల పొడి, ఉప్పు వేసి బాగా మరిగించాలి. నీళ్లు మరుగుతున్నప్పుడు జొన్న పిండి మిశ్రమాన్ని వేసి ఉండలు కట్టకుండా కలపాలి. పది నిమిషాలు ఉడికిన తర్వాత మెత్తగా వండిన అన్నం కలిపి ముద్దలు చేసుకోవాలి. వేడివేడి జొన్న సంగటిని ఏదైనా పప్పు లేదా కూరతో తింటే అద్భుతంగా ఉంటుంది.