Pawan Kalyan: పశ్చిమ బెంగాల్ రాజకీయాల్లో కొత్త అధ్యాయం మొదలైంది. బీజేపీ నేత సువేందు అధికారి ఆ రాష్ట్ర ముఖ్యమంత్రిగా ప్రమాణ స్వీకారం చేశారు. ఆయనతో పాటు మరో ఐదుగురు మంత్రులుగా బాధ్యతలు చేపట్టారు.

ఈ చారిత్రాత్మక విజయంపై ఆంధ్రప్రదేశ్ ఉప ముఖ్యమంత్రి, జనసేనాని పవన్ కల్యాణ్ స్పందిస్తూ సువేందు అధికారికి మరియు బీజేపీ శ్రేణులకు హృదయపూర్వక శుభాకాంక్షలు తెలిపారు.

Read Also : Fishermen : మత్స్యకారులకు CM చంద్రబాబు శుభవార్త

Pawan Kalyan congratulates CM Suvendu Adhikari.

Pawan Kalyan: శ్యామా ప్రసాద్ ముఖర్జీకి దక్కిన గౌరవం

బెంగాల్‌లో బీజేపీ సాధించిన విజయాన్ని పవన్ కల్యాణ్ భారత ప్రజల విజయంగా అభివర్ణించారు. భారతీయ జనసంఘ్ వ్యవస్థాపకులు శ్యామా ప్రసాద్ ముఖర్జీ జన్మించిన ఈ పవిత్ర గడ్డపై, దశాబ్దాల పోరాటం తర్వాత బీజేపీ అధికారంలోకి రావడం ఆయన ఆశయాలకు దక్కిన నిజమైన నివాళి అని కొనియాడారు. కార్యకర్తల నిరంతర కృషి, త్యాగాల వల్లే ఈ అద్భుత ఫలితం సాధ్యమైందని ఆయన పేర్కొన్నారు.

జాతీయ భద్రత, అక్రమ వలసలపై ఆశలు

సరిహద్దు రాష్ట్రమైన పశ్చిమ బెంగాల్‌ ఎదుర్కొంటున్న ప్రధాన సమస్యలపై పవన్ కల్యాణ్ తన ప్రకటనలో ఆందోళన వ్యక్తం చేశారు. గత కొంతకాలంగా బెంగాల్‌లో అక్రమ వలసలు, తీవ్రవాద చొరబాట్లు జాతీయ భద్రతకు సవాల్‌గా మారాయని ఆయన అభిప్రాయపడ్డారు. సువేందు అధికారి నాయకత్వంలోని నూతన ప్రభుత్వం ఈ సమస్యలను అణచివేస్తుందని, సరిహద్దు రక్షణలో కీలక పాత్ర పోషిస్తుందని ఆయన ఆశాభావం వ్యక్తం చేశారు.

రాష్ట్రంలో హింస, అరాచకాలకు తావులేకుండా పారదర్శకమైన మరియు ప్రజాస్వామ్యబద్ధమైన పాలన సాగాలని పవన్ ఆకాంక్షించారు. ప్రధాని నరేంద్ర మోదీ నాయకత్వంపై బెంగాల్ ప్రజలకున్న అచంచలమైన నమ్మకమే ఈ విజయానికి పునాది అని ఆయన స్పష్టం చేశారు. ఈ సందర్భంగా కేంద్ర మంత్రి అమిత్ షా, పార్టీ నేతలు నితిన్ నబిన్, సమిక్ భట్టాచార్యలకు పవన్ కల్యాణ్ ప్రత్యేకంగా అభినందనలు తెలియజేశారు.