CM Vijay: తమిళనాడు రాజకీయాల్లోను, అటు సినీ రంగంలోనూ సరికొత్త సంచలనం నమోదైంది. తమిళనాడు ముఖ్యమంత్రిగా బాధ్యతలు స్వీకరించిన అనంతరం సినీ నటుడు, రాజకీయ నాయకుడు విజయ్ తీసుకున్న ఒక తాజా నిర్ణయాన్ని ప్రముఖ హీరో, నిర్మాత విశాల్ బహిరంగంగా తప్పుబట్టారు.

రాష్ట్ర చలనచిత్ర పరిశ్రమకు సంబంధించిన సినిమాటోగ్రఫీ మంత్రిత్వ శాఖను రాజ్ మోహన్‌కు కేటాయించడంపై విశాల్ తీవ్ర అసంతృప్తి వ్యక్తం చేశారు. సినిమా పరిశ్రమ గురించి, ఇక్కడి కష్ట నష్టాల గురించి కనీస అవగాహన లేని వ్యక్తికి ఇంతటి కీలకమైన శాఖను ఎలా అప్పగిస్తారంటూ విశాల్ సోషల్ మీడియా వేదికగా ప్రశ్నించడం ఇప్పుడు కోలీవుడ్‌తో పాటు రాజకీయ వర్గాల్లో తీవ్ర చర్చనీయాంశంగా మారింది.

Read Also : బెంగళూరు-ముంబై మధ్య కొత్త ఎక్స్‌ప్రెస్ రైలు.. ప్రారంభించిన అశ్విని వైష్ణవ్!

30 ఏళ్ల అనుభవం మీదే.. మీకన్నా ఎవరికి తెలుసు?

తమ మనోభావాలను పంచుకుంటూ విశాల్ ముఖ్యమంత్రి విజయ్‌ను ఉద్దేశించి ఎక్స్ (ట్విట్టర్) వేదికగా ఘాటు వ్యాఖ్యలు చేశారు. “గ్రాస్ రూట్ లెవెల్ (కింది స్థాయి) నుంచి వచ్చి, దాదాపు 30 ఏళ్లకు పైగా సినీ పరిశ్రమలో అపారమైన అనుభవం గడించిన మీకంటే ఇక్కడి సమస్యల గురించి వేరే ఎవరికి ఎక్కువగా తెలుస్తుంది సీఎం సార్?” అంటూ విశాల్ గుర్తుచేశారు. పరిశ్రమను నడిపించే నాయకుడికే అన్ని కష్టాలు తెలుస్తాయని, అలాంటిది ఏమాత్రం బ్యాక్‌గ్రౌండ్ లేని వారికి ఈ మంత్రి పదవి ఇవ్వడం సినీ వర్గాలను తీవ్ర నిరుత్సాహానికి గురిచేసిందని ఆయన పేర్కొన్నారు. ఇండస్ట్రీ సమస్యలపై సరైన అవగాహన ఉన్న వారికే ఈ బాధ్యతలు అప్పగిస్తే బాగుండేదన్న అభిప్రాయాన్ని ఆయన వ్యక్తం చేశారు.

CM Vijay: సీఎం విజయ్‌కు విశాల్ డిమాండ్లు.. చిన్న సినిమాలను బ్రతికించండి!

ఈ సందర్భంగా కేవలం విమర్శలకే పరిమితం కాకుండా, చిత్ర పరిశ్రమ మనుగడ కోసం ముఖ్యమంత్రి విజయ్ వెంటనే తీసుకోవాల్సిన కొన్ని కీలక చర్యలను విశాల్ డిమాండ్ చేశారు. థియేటర్లలో పారదర్శకత కోసం ప్రభుత్వం తరఫునే అధికారికంగా ‘గవర్నమెంట్ టికెటింగ్ విండో’ (ఆన్‌లైన్ టికెటింగ్ విధానం)ను ప్రవేశపెట్టాలని కోరారు. అలాగే సినిమాలపై భారంగా మారిన లోకల్ బాడీ టాక్స్ (స్థానిక సంస్థల పన్ను)ను తక్షణమే రద్దు చేయాలని విజ్ఞప్తి చేశారు. వీటన్నింటితో పాటు ప్రస్తుతం ఇండస్ట్రీలో మనుగడ సాగించలేకపోతున్న చిన్న సినిమాలకు ఇచ్చే ప్రభుత్వ సబ్సిడీని భారీగా పెంచి, పరిశ్రమను సంక్షోభం నుంచి గట్టెక్కించాలని విశాల్ సీఎం విజయ్‌ను కోరారు.