Social media harassment : టాలీవుడ్‌కు చెందిన ప్రముఖ మహిళా సెలబ్రిటీలు అనసూయ, విష్ణుప్రియ సోషల్ మీడియా వేధింపులపై పోలీసులను ఆశ్రయించారు. తప్పుడు ప్రచారం, ట్రోలింగ్‌, వ్యక్తిత్వ హననం, ఏఐ మార్ఫింగ్ ఫోటోలపై ఇద్దరూ తీవ్ర ఆగ్రహం వ్యక్తం చేశారు.

ఈ ఘటనలు ఇప్పుడు సోషల్ మీడియాలో పెద్ద చర్చకు దారితీశాయి.

విష్ణుప్రియ ఫిర్యాదు

విష్ణుప్రియ తనపై తప్పుడు ప్రచారం చేస్తున్న ఓ యూట్యూబ్ ఛానల్‌పై మియాపూర్ పోలీస్ స్టేషన్‌లో ఫిర్యాదు చేశారు. అనంతరం మీడియాతో మాట్లాడిన ఆమె, మహిళల గురించి ఇష్టం వచ్చినట్లు మాట్లాడటం సరికాదని అన్నారు. ఒక అమ్మాయి మరో అమ్మాయి గురించి అవమానకర వ్యాఖ్యలు చేయడం బాధాకరమని పేర్కొన్నారు. ఇలాంటి తప్పుడు ప్రచారం చేసే వారిపై చట్టపరమైన చర్యలు తీసుకుంటానని హెచ్చరించారు.

ఏఐ ఫోటోలపై అనసూయ ఆగ్రహం

అనసూయ తన ఫోటోలను ఏఐ సాయంతో అసభ్యకరంగా మార్ఫింగ్ చేసి సోషల్ మీడియాలో వైరల్ చేస్తున్నారని ఆరోపించారు. ఈ విషయంపై హైదరాబాద్ పోలీస్ కమిషనర్‌ను ఎక్స్ వేదికగా ట్యాగ్ చేస్తూ స్పందించారు. చాలాసార్లు పట్టించుకోకుండా ఉండాలని ప్రయత్నించినప్పటికీ, పదేపదే అదే జరుగుతుండటంతో అధికారుల దృష్టికి తీసుకువచ్చినట్లు పేర్కొన్నారు.

Read Also : Ramani Kalyanam Movie: ఎమోషనల్ లవ్ స్టోరీ 'రమణి కళ్యాణం' మూవీ రివ్యూ