కేంద్ర ప్రభుత్వం పెట్రోల్‌లో 20% ఇథనాల్ కలుపుతూ (E20 Petrol) విక్రయించడాన్ని నిరసిస్తూ, వినియోగదారులకు 100% స్వచ్ఛమైన పెట్రోల్‌ను ఎంచుకునే ప్రత్యామ్నాయాన్ని కల్పించాలని డిమాండ్ చేస్తూ వాహనదారులు, ముఖ్యంగా యువత డిజిటల్ వేదికలపై ఉద్యమిస్తున్నారు.

Read Also: NEET Paper Leak Protest: జంతర్ మంతర్ వద్ద చిగురించిన ప్రేమ.. పెళ్లి పీటలెక్కిన జంట!

Cockroach Janata Party

Cockroach Janata Party : E20 ఇంధనంపై వాహనదారుల ఆందోళనలు

ఇథనాల్ బ్లెండింగ్ ప్రక్రియ వల్ల వాహన రంగంలో పలు సమస్యలు ఎదురవుతున్నాయని వాహనదారులు, నెటిజన్లు ఆరోపిస్తున్నారు. ఇథనాల్‌లో సాధారణ పెట్రోల్ కంటే కలోరిఫిక్ విలువ తక్కువగా ఉండటం వల్ల వాహనాల మైలేజీ గణనీయంగా తగ్గుతోందని వినియోగదారులు పేర్కొంటున్నారు. పాత వాహనాలు లేదా E20కి పూర్తి స్థాయిలో అనుకూలంగా లేని ఇంజిన్లలో పార్టులు త్వరగా పాడవుతున్నాయని, రస్ట్ (తుప్పు) పడుతోందని ఆందోళన వ్యక్తం చేస్తున్నారు. ప్రముఖ యూట్యూబర్ సౌరవ్ జోషి తన మెర్సిడీజ్ బెంజ్ ఎస్‌యూవీలో E20 పెట్రోల్ వాడటం వల్ల ఇంజిన్ లోపాలు తలెత్తాయని వీడియో విడుదల చేయడంతో ఈ అంశం నెట్టింట హాట్ టాపిక్‌గా మారింది. అయితే, తమ BS6 వాహనాలు E20 ఇంధనానికి పూర్తి అనుకూలమైనవని మెర్సిడీజ్-బెంజ్ కంపెనీ వివరణ ఇచ్చింది. ఈ వివాదంపై కేంద్ర రహదారి రవాణా, రహదారుల శాఖ మంత్రి నితిన్ గడ్కరీ స్పందిస్తూ E20 ఇంధనాన్ని గట్టిగా సమర్థించారు: “ఆత్మనిర్భర్ భారత్ డిజిటల్ విజన్‌లో భాగంగా బయోఫ్యూయల్స్ వినియోగాన్ని ప్రోత్సహించడం వల్ల దేశంలో ముడిచమురు దిగుమతులు తగ్గి, రైతులకు ఆర్థిక ప్రయోజనం చేకూరుతుంది. E20 పెట్రోల్ పాత, కొత్త వాహనాలకు సురక్షితమైనది.” సాధారణ సాంకేతిక లోపాలను ఇథనాల్ బ్లెండింగ్‌కు ఆపాదించడం సరికాదని, ప్రతికూల ప్రచారాల కంటే ముందు మెకానికల్ నిపుణులను సంప్రదించాలని ఆయన వాహనదారులకు సూచించారు.

Epaper: epaper.vaartha.com

శాంతియుత నిరసన రాజ్యాంగ హక్కు: సుప్రీంకోర్టు సంచలన వ్యాఖ్యలు