SRH vs RR: టాస్ గెలిచి బౌలింగ్ ఎంచుకున్న సన్‌రైజర్స్ హైదరాబాద్ నిర్ణయానికి రాజస్థాన్ రాయల్స్ బ్యాటర్లు చుక్కలు చూపించారు. తొలుత బ్యాటింగ్ చేసిన రాజస్థాన్ నిర్ణీత 20 ఓవర్లలో 243 పరుగుల భారీ స్కోరు బోర్డుపై ఉంచింది.

రాజస్థాన్ రాయల్స్ యువ సంచలనం, కేవలం 15 ఏళ్ల వయసున్న వైభవ్ సూర్యవంశీ (Vaibhav Suryavanshi) సన్‌రైజర్స్ బౌలింగ్‌ను ఊచకోత కోశాడు. కేవలం 29 బంతుల్లోనే 97 పరుగులు చేసి తృటిలో సెంచరీ మిస్ చేసుకున్న ఈ యంగ్ గన్ ధాటికి, ఎస్‌ఆర్‌హెచ్ కెప్టెన్ పాట్ కమిన్స్ వేసిన ప్లాన్స్ అన్నీ తలకిందులయ్యాయి.

Read Also :IPL 2026 : ఇషాన్ కిషన్ ను ఓ రేంజ్ లో ట్రోల్ చేస్తున్న CSK ఫ్యాన్స్

ఆర్చర్ పేస్ వినాశనం - నితీశ్ రెడ్డి పోరాటం వృథా

SRH Out of IPL 2026

244 పరుగుల హిమాలయ సదృశ్య లక్ష్యంతో బరిలోకి దిగిన హైదరాబాద్‌ను రాజస్థాన్ స్పీడ్‌స్టర్ జోఫ్రా ఆర్చర్ (Jofra Archer) తన నిప్పులు చెరిగే పేస్ బౌలింగ్‌తో కోలుకోలేని దెబ్బతీశాడు. పవర్‌ప్లేలోనే ఓపెనర్లతో పాటు కీలక వికెట్లు కోల్పోవడంతో హైదరాబాద్ తీవ్ర ఒత్తిడిలో పడింది. మిడిల్ ఆర్డర్‌లో ఆంధ్ర ఆల్‌రౌండర్ నితీశ్ కుమార్ రెడ్డి (38) కాసేపు ఒంటరి పోరాటం చేసినా అది ఓటమి భారతాన్ని తగ్గించలేకపోయింది. నిర్ణీత ఓవర్లు ముగిసేసరికి ఎస్‌ఆర్‌హెచ్ 192 పరుగులకే పరిమితమై ఘోర పరాజయాన్ని అంగీకరించింది.