సూర్య ఫ్యాన్స్‌కు గుడ్ న్యూస్: 'కరుప్పు' సినిమాకు లైన్ క్లియర్

Karuppu Movie Release Today: కోలీవుడ్ స్టార్ హీరో సూర్య నటించిన 'కరుప్పు' (Karuppu) సినిమా విడుదలపై నెలకొన్న సందిగ్ధత తొలగిపోయింది. ఆర్థిక వివాదాల కారణంగా గురువారం నిలిచిపోయిన ఈ చిత్రం, ఎట్టకేలకు అన్ని అడ్డంకులను దాటుకుని, నేడు శుక్రవారం (మే 15) ప్రేక్షకుల ముందుకు రానుంది.

డ్రీమ్ వారియర్ పిక్చర్స్ భావోద్వేగ ప్రకటన

సినిమా విడుదల ఆలస్యమైనందుకు నిర్మాణ సంస్థ డ్రీమ్ వారియర్ పిక్చర్స్ అభిమానులకు క్షమాపణలు చెబుతూ సోషల్ మీడియాలో ఒక పోస్ట్ పెట్టింది. “ఈ నిరీక్షణ మీకు బాధ కలిగించిందని మాకు తెలుసు. ఎన్నో కష్టాలు, నిద్రలేని రాత్రుల ఫలితమే ఈ సినిమా. మాపై నమ్మకం ఉంచి మద్దతుగా నిలిచిన ప్రతి ఒక్కరికీ కృతజ్ఞతలు. నేడు ‘కరుప్పు’ ప్రపంచవ్యాప్తంగా విడుదలవుతోంది” అని పేర్కొంది.

Karuppu Movie Release Today: కన్నీళ్లు పెట్టుకున్న దర్శకుడు ఆర్జే బాలాజీ

గురువారం ఉదయం షోలు రద్దవ్వడంతో దర్శకుడు ఆర్జే బాలాజీ తీవ్ర ఆవేదనకు లోనయ్యారు. ఆయన ఇన్‌స్టాగ్రామ్‌లో వీడియో పోస్ట్ చేస్తూ కన్నీళ్లు పెట్టుకోవడం సోషల్ మీడియాలో వైరల్ అయ్యింది. సినిమాను చూసేందుకు వచ్చిన అభిమానులకు కలిగిన అసౌకర్యానికి ఆయన క్షమాపణలు చెప్పారు. తన కష్టానికి తగిన ప్రతిఫలం దక్కుతుందని, సినిమా కచ్చితంగా విజయం సాధిస్తుందని ఆయన ఆశాభావం వ్యక్తం చేశారు.