'టాక్సిక్' లో బోల్డ్ సీన్ల రచ్చ.. సీన్లు కట్ చేయాల్సిందే అంటున్న కియారా!

Kiara Advani: కన్నడ రాకింగ్ స్టార్ యశ్ హీరోగా గీతూ మోహన్ దాస్ దర్శకత్వంలో రూపొందుతున్న 'టాక్సిక్' చిత్రంపై భారీ అంచనాలు ఉన్నాయి. అయితే, తాజాగా ఈ సినిమా ఫైనల్ కట్ చూసిన హీరోయిన్ కియారా అద్వానీ కొన్ని సీన్లపై తీవ్ర అభ్యంతరం వ్యక్తం చేసినట్లు తెలుస్తోంది.

కథా డిమాండ్ మేరకు చిత్రీకరించిన కొన్ని బోల్డ్ ,ఇంటిమేట్ సీన్లు వెండితెరపై మరీ ఎక్కువగా ఉన్నాయని ఆమె భావిస్తున్నారట.

Kiara Advani Toxic Movie

Kiara Advani: ఇమేజ్ దెబ్బతింటుందనే భయం

ప్రస్తుతం కియారా పాన్ ఇండియా స్టార్‌గా ఎదిగింది. ముఖ్యంగా పెళ్లి తర్వాత ఫ్యామిలీ ఆడియన్స్ తనను రిసీవ్ చేసుకునే విధానం మారుతుందని భావించి, ఆ సీన్లను పూర్తిగా తొలగించాలని లేదా కనీసం వాటి నిడివిని అయినా తగ్గించాలని ఆమె దర్శకురాలిని కోరినట్లు టాక్. అయితే దర్శకురాలు మాత్రం, ఆ సీన్లు కథలో అంతర్భాగమని, వాటిని తీసేస్తే సినిమా ఇంపాక్ట్ తగ్గుతుందని భావిస్తున్నట్లు తెలుస్తోంది. మరి ‘టాక్సిక్’ టీమ్ కియారా రిక్వెస్ట్‌ను మన్నిస్తుందా లేదా అనేది సినిమా విడుదలయ్యే వరకు వేచి చూడాల్సిందే.