RCB vs MI Match : ఐపీఎల్ 2026లో భాగంగా ముంబై ఇండియన్స్, రాయల్ చాలెంజర్స్ బెంగళూరు మధ్య కీలక పోరు జరుగుతోంది. రాయ్‌పూర్‌లోని షహీద్ వీర్ నారాయణ్ సింగ్ అంతర్జాతీయ స్టేడియంలో జరుగుతున్న ఈ మ్యాచ్‌లో టాస్ గెలిచిన ఆర్సీబీ కెప్టెన్ రజత్ పాటిదార్ ముందుగా ఫీల్డింగ్ ఎంచుకున్నాడు.

ప్లేఆఫ్స్ కోసం ముంబైకి కీలక మ్యాచ్

ఐదుసార్లు ఛాంపియన్‌గా నిలిచిన ముంబై ఇండియన్స్‌కు ఈ మ్యాచ్ ఎంతో కీలకంగా మారింది. ఈ మ్యాచ్‌లో ఓడిపోతే హార్దిక్ పాండ్యా జట్టు అధికారికంగా ప్లేఆఫ్స్ రేసు నుంచి తప్పుకునే పరిస్థితి ఉంది. దీంతో ముంబై తప్పక గెలవాల్సిన ఒత్తిడిలో బరిలోకి దిగింది.

హార్దిక్ పాండ్యా గైర్హాజరు

ఈ మ్యాచ్‌లో కూడా ముంబై కెప్టెన్ హార్దిక్ పాండ్యా జట్టుకు దూరంగా ఉన్నాడు. అతని స్థానంలో సూర్యకుమార్ యాదవ్ జట్టును నడిపిస్తున్నాడు. గత మ్యాచ్‌లో లక్నోపై గెలిచిన ఉత్సాహంతో ముంబై బరిలోకి దిగింది.

గత మ్యాచ్‌లో ఓడిన ఆర్సీబీ

డిఫెండింగ్ ఛాంపియన్ ఆర్సీబీ మాత్రం గత మ్యాచ్‌లో లక్నో సూపర్ జెయింట్స్ చేతిలో ఓటమి చవిచూసింది. వర్షం అంతరాయం కలిగించిన ఆ మ్యాచ్‌లో 9 పరుగుల తేడాతో ఓడిపోయింది. ఈసారి తిరిగి విజయాల బాట పట్టాలని ఆర్సీబీ భావిస్తోంది.

Read Also:Tamilnadu Politics : DMKపై కాంగ్రెస్ ఆగ్రహం !

ఆర్సీబీ జట్టు

రాయల్ చాలెంజర్స్ బెంగళూరు జట్టులో విరాట్ కోహ్లీ, జేకబ్ బెతెల్, రజత్ పాటిదార్, జితేష్ శర్మ, టిమ్ డేవిడ్, రొమారియో షెఫర్డ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, సుయాష్ శర్మ, రసిఖ్ సలామ్ ఉన్నారు.