Karnataka Crime: కర్ణాటకలోని రాయచూరు జిల్లాలో దారుణ ఘటన చోటుచేసుకుంది. కొందరు వ్యక్తులు 25 ఏళ్ల మహిళను రాయితో తలపై కొట్టి హత్య చేసినట్లు పోలీసులు తెలిపారు.
అనంతరం ఏడుస్తున్న ఆమె ఏడాదిన్నర వయసున్న కుమార్తెను తల్లి మృతదేహంపై ఉంచి అక్కడి నుంచి వెళ్లిపోయారు. ఈ ఘటన స్థానికంగా తీవ్ర కలకలం రేపింది.
Read Also :Haribabu Murder Case: హరిబాబు హత్య కేసులో కీలక పరిణామం..నిందితుడు సంతోష్ అరెస్ట్
పొలంలో మహిళ మృతదేహం గుర్తింపు
సింధనూర్ సబ్ డివిజన్ పరిధిలోని ఆర్‌హెచ్ క్యాంప్ ప్రాంతానికి చెందిన స్నేహ మృతదేహాన్ని గ్రామ శివారులోని ఓ పొలంలో స్థానికులు గుర్తించారు. వెంటనే పోలీసులకు సమాచారం అందించడంతో వారు సంఘటనా స్థలానికి చేరుకుని పరిశీలించారు. ఆ సమయంలో చిన్నారి తన తల్లి మృతదేహాన్ని గట్టిగా పట్టుకుని ఏడుస్తూ కనిపించింది. ఈ దృశ్యాన్ని చూసి పోలీసులు, స్థానికులు తీవ్రంగా చలించిపోయారు. అనంతరం మృతదేహాన్ని ప్రభుత్వ ఆసుపత్రికి తరలించారు.
Karnataka Crime: భర్త, ప్రియుడిని అదుపులోకి తీసుకున్న పోలీసులు
పోలీసుల ప్రాథమిక దర్యాప్తులో స్నేహకు సుమారు నాలుగేళ్ల క్రితం అమిత్ అనే వ్యక్తితో వివాహం జరిగినట్లు తెలిసింది. గత నాలుగు నెలలుగా శుభమ్ అనే వ్యక్తితో ఆమెకు వివాహేతర సంబంధం ఉన్నట్లు దర్యాప్తులో వెల్లడైనట్లు పోలీసులు తెలిపారు. ఈ నేపథ్యంలో స్నేహ భర్త అమిత్‌తో పాటు శుభమ్‌ను పోలీసులు అదుపులోకి తీసుకుని విచారిస్తున్నారు. హత్యకు అసలు కారణం ఏమిటి? ఈ ఘటనలో మరెవరైనా పాల్గొన్నారా? అనే కోణాల్లో దర్యాప్తు కొనసాగుతోంది. స్నేహ హత్యకు సంబంధించి పోలీసులు కేసు నమోదు చేసి దర్యాప్తు ప్రారంభించారు. నిందితులను గుర్తించడంతో పాటు హత్యకు దారితీసిన పరిస్థితులపై పూర్తి స్థాయిలో విచారణ చేస్తున్నట్లు పోలీస్ అధికారులు తెలిపారు.
ప్రియురాలితో విదేశీ టూర్.. భార్యకు అబద్ధం చెప్పి కిడ్నాప్ డ్రామా