కొన్ని పాఠశాలల్లో ప్రాథమిక సదుపాయాలు కూడా సరిపోవడం లేదని విద్యార్థులు ఆవేదన వ్యక్తం చేస్తున్నారు.

Read Also :Trump Diesel Export Ban: డీజిల్ ఎగుమతులపై నిషేధం లేదు.. ట్రంప్ కీలక నిర్ణయం

పాఠశాలల దిగ్బంధం.. పోలీసులతో ఘర్షణలు

పారిస్ ప్రాంతంలో ప్రారంభమైన ఈ ఆందోళనలు క్రమంగా దేశంలోని ఇతర ప్రాంతాలకు విస్తరించినట్లు వార్తా సంస్థలు తెలిపాయి. పలుచోట్ల విద్యార్థులు పాఠశాలలను దిగ్బంధించడంతో తరగతులకు అంతరాయం ఏర్పడింది. కొన్ని స్కూళ్లు మూతపడినట్లు సమాచారం. నిరసనల సందర్భంగా విద్యార్థులు, పోలీసుల మధ్య ఘర్షణలు కూడా చోటుచేసుకున్నాయి. ఈ ఆందోళనల్లో వందలాది పాఠశాలలు ప్రభావితమయ్యాయని, వేలాది మందిని అరెస్టు చేసినట్లు వార్తా సంస్థలు నివేదించాయి.

భారత్‌లోనూ ప్రభుత్వ పాఠశాలలపై ప్రచారం

ఫ్రాన్స్‌లో జరుగుతున్న విద్యార్థుల ఆందోళనలకు భారత్‌లో జరుగుతున్న పరిణామాలకు ప్రత్యక్ష సంబంధం లేకపోయినా, ప్రభుత్వ పాఠశాలల్లో మౌలిక వసతుల సమస్యలు అనే అంశం ఇరు సందర్భాల్లోనూ ప్రస్తావనకు వస్తోంది. భారత్‌లో గత కొన్ని నెలలుగా కాక్‌రాచ్ జనతా పార్టీ (CJP) ప్రభుత్వ పాఠశాలల పరిస్థితిపై "School Thik Karo" పేరుతో ప్రచారం నిర్వహిస్తోంది. NEET-UG వివాదం, అప్పటి విద్యాశాఖ మంత్రి ధర్మేంద్ర ప్రధాన్ రాజీనామా డిమాండ్‌పై చేపట్టిన ఆందోళనలకు అదనంగా ఈ ప్రచారాన్ని విస్తరించింది.

France Student Protest: స్కూళ్లలో సమస్యలపై CJP దృష్టి