టెహ్రాన్‌పై ట్రంప్ ఉక్కుపాదం: "ఇరాన్ వచ్చినా రాకపోయినా నాకు సంబంధం లేదు"

ఇస్లామాబాద్‌లో జరిగిన సుదీర్ఘ చర్చలు విఫలమైన నేపథ్యంలో, అమెరికా అధ్యక్షుడు డొనాల్డ్ ట్రంప్ ఇరాన్‌ను ఉద్దేశించి సంచలన వ్యాఖ్యలు చేశారు. ఇరాన్ ప్రస్తుతం అత్యంత దయనీయ స్థితిలో ఉందని, ఆ దేశం తిరిగి చర్చలకు రాకపోయినా తానేమీ పట్టించుకోనని తేల్చి చెప్పారు.

Strait of Hormuz

Strait of Hormuz: విఫలమైన ఇస్లామాబాద్ చర్చలు: 21 గంటల నిష్ఫల ప్రయత్నం

అమెరికా మరియు ఇరాన్ ప్రతినిధుల మధ్య పాకిస్థాన్ వేదికగా సుమారు 21 గంటల పాటు సుదీర్ఘ చర్చలు జరిగాయి. అయితే, ఎటువంటి ఏకాభిప్రాయం కుదరకపోవడంతో ఈ చర్చలు విఫలమయ్యాయి. ఇరాన్ తన వాగ్దానాలను నిలబెట్టుకోలేదని, ముఖ్యంగా హర్మూజ్ జలసంధి విషయంలో అబద్ధాలు చెప్పిందని ట్రంప్ ఆరోపించారు. ప్రపంచ చమురు రవాణాకు ఆయువుపట్టు వంటి హర్మూజ్ జలసంధి పై అమెరికా అధికారికంగా దిగ్బంధనాన్ని ప్రకటించింది. ఏప్రిల్ 13, సోమవారం ఉదయం 10 గంటల నుంచి ఈ ఆంక్షలు అమల్లోకి వచ్చాయి. అమెరికా నౌకాదళం ఆ ప్రాంతంలోకి వచ్చే, వెళ్లే ప్రతి నౌకను నిశితంగా తనిఖీ చేయనుంది. గత నెల రోజులుగా అమెరికా జరిపిన సైనిక చర్యల వల్ల ఇరాన్ కోలుకోలేని దెబ్బతిన్నదని ట్రంప్ పేర్కొన్నారు. అమెరికా దిగ్బంధనాన్ని తప్పించుకోవడానికి ఇరాన్ ఇతర సముద్ర మార్గాల ద్వారా చమురు రవాణా చేసేందుకు ప్రయత్నిస్తోందని ట్రంప్ ఆరోపించారు. ఆ మార్గాలను కూడా త్వరలోనే అడ్డుకుంటామని ఆయన హెచ్చరించారు. మరోవైపు, అమెరికా ఉపాధ్యక్షుడు జేడీ వాన్స్ కూడా చర్చల వైఫల్యాన్ని ధృవీకరిస్తూ వాషింగ్టన్ చేరుకున్నారు. పరిస్థితి ఇలాగే కొనసాగితే, ఇరాన్‌పై మరింత ఒత్తిడి పెంచేందుకు పరిమిత వైమానిక దాడులు (Limited Airstrikes) చేసే ఆలోచనలో కూడా వైట్ హౌస్ ఉన్నట్లు అంతర్జాతీయ మీడియా కథనాలు పేర్కొంటున్నాయి. దీనివల్ల పశ్చిమాసియాలో యుద్ధ మేఘాలు మరింత దట్టంగా కమ్ముకుంటున్నాయి.