Telangana In Service TET 2026: తెలంగాణలో ఇన్-సర్వీస్ ఉపాధ్యాయుల కోసం నిర్వహించే ఉపాధ్యాయ అర్హత పరీక్ష (టెట్ - TET) షెడ్యూల్ను పాఠశాల విద్యాశాఖ అధికారికంగా విడుదల చేసింది.
2026 విద్యా సంవత్సరానికి గాను సెప్టెంబర్ 8, 9వ తేదీల్లో ఈ పరీక్షలను కంప్యూటర్ ఆధారిత (ఆన్లైన్) విధానంలో నిర్వహించనున్నట్లు విద్యాశాఖ ప్రకటించింది.
TET schedule for in-service teachers in Telangana released.
Telangana In Service TET 2026: పరీక్షా సమయాలు
ఈ ప్రత్యేక టెట్ పరీక్షకు రాష్ట్రవ్యాప్తంగా మొత్తం 24,983 మంది ఉపాధ్యాయ అభ్యర్థులు హాజరుకానున్నారు. రోజుకు విడతలవారీగా మూడు షిఫ్టుల్లో ఆన్లైన్ పరీక్షలను నిర్వహించేందుకు విద్యాశాఖ ఏర్పాట్లు చేసింది:
- మొదటి సెషన్: ఉదయం 9:00 గంటల నుంచి 11:30 గంటల వరకు
- రెండవ సెషన్: మధ్యాహ్నం 2:00 గంటల నుంచి 4:30 గంటల వరకు
పేపర్లు, మాధ్యమాల వారీగా షెడ్యూల్
- సెప్టెంబర్ 8: పేపర్-1, పేపర్-2 (తెలుగు, ఇంగ్లీష్ మీడియం) పరీక్షలు జరుగుతాయి.
- సెప్టెంబర్ 9: మిగిలిన ఇతర మీడియంలకు సంబంధించిన పేపర్-2 పరీక్షలను నిర్వహించనున్నట్లు అధికారులు వెల్లడించారు.
ప్రత్యేక టెట్ ఎవరి కోసం?
ప్రభుత్వ, ప్రభుత్వ గుర్తింపు పొందిన పాఠశాలల్లో విధుల్లో కొనసాగుతూ, ఇప్పటికీ జాతీయ ఉపాధ్యాయ విద్యా మండలి (NCTE) నిబంధనల ప్రకారం నిర్దేశిత అర్హత ప్రమాణాలను సాధించని ఉపాధ్యాయుల కోసమే ఈ ప్రత్యేక టెట్ను విద్యాశాఖ నిర్వహిస్తోంది.
పరీక్షకు సంబంధించిన హాల్ టికెట్లు, ఇతర సంపూర్ణ మార్గదర్శకాల కోసం అభ్యర్థులు విద్యాశాఖ అధికారిక వెబ్సైట్ schooledu.telangana.gov.in ను సందర్శించాలని సూచించారు.