Telangana Intermediate Breakfast Scheme: తెలంగాణలోని ప్రభుత్వ ఇంటర్మీడియట్ విద్యార్థుల కోసం రాష్ట్ర ప్రభుత్వం సరికొత్త సంక్షేమ పథకానికి శ్రీకారం చుట్టింది.

ఈ విద్యా సంవత్సరం నుంచే ఇంటర్ విద్యార్థులకు ఉచిత బ్రేక్ ఫాస్ట్ (అల్పాహారం) అందించేలా ప్రణాళికలు సిద్ధం చేసింది. ముఖ్యమంత్రి రేవంత్ రెడ్డి జూన్ 12వ తేదీన ఈ ప్రతిష్టాత్మక పథకాన్ని అధికారికంగా ప్రారంభించనున్నారు. ఉదయాన్నే కాలేజీలకు వచ్చే విద్యార్థులకు పోషక విలువలతో కూడిన ఆహారాన్ని అందించాలనే లక్ష్యంతో ప్రభుత్వం ఈ నిర్ణయం తీసుకుంది.

intermediate students free breakfast scheme menu

రాష్ట్రవ్యాప్తంగా ఉన్న దాదాపు 1.92 లక్షల మంది ప్రభుత్వ ఇంటర్మీడియట్ విద్యార్థులకు ఈ పథకం ద్వారా లబ్ధి చేకూరనుంది. ఈ ఉచిత అల్పాహార పథకం నిర్వహణ కోసం తెలంగాణ ప్రభుత్వం ప్రతి ఏటా రూ. 120 కోట్ల బడ్జెట్‌ను కేటాయించనుంది.

Read also: Revanth Reddy: మహారాష్ట్ర ముఖ్యమంత్రి దేవేంద్ర ఫడ్నవీస్‌కు సీఎం రేవంత్ లేఖ

రోజుకో రకం.. అల్పాహార మెనూ ఖరారు

విద్యార్థులకు విసుగు కలగకుండా, ఆరోగ్యంతో పాటు రుచిని అందించేలా వారంలో ప్రతి రోజు ఒక ప్రత్యేకమైన వంటకాన్ని వడ్డించనున్నారు. ఈ పథకానికి సంబంధించి విద్యాశాఖ విడుదల చేసిన రోజువారీ మెనూ వివరాలు ఇలా ఉన్నాయి. మిల్లెట్ ఇడ్లీ, వేడివేడి పూరీ, దోశ, ఉప్మా, మరియు మైసూర్ బోండా. ఈ ఫలహారాలకు తోడుగా రుచికరమైన చట్నీ, సాంబార్, మరియు పోషకాలతో కూడిన మిక్స్డ్ వెజిటెబుల్ కుర్మాను అందించనున్నారు.

Telangana Intermediate Breakfast Scheme: దేశంలోనే సరికొత్త రికార్డు.. మధ్యాహ్న భోజనంతో పాటు బ్రేక్ ఫాస్ట్