వర్షాకాలం సీజన్ మొదట్లో తక్కువ వర్షపాతం నమోదు కావడంతో కర్షకులు తీవ్ర ఇబ్బందులు పడ్డారు. గత ఏడాదితో పోలిస్తే ఈసారి రాష్ట్ర వ్యాప్తంగా వరి సాగు విస్తీర్ణం గణనీయంగా తగ్గిపోయింది. ముఖ్యంగా యాదాద్రి, నల్గొండ, సిద్దిపేట, నిజామాబాద్, సూర్యాపేట జిల్లాలలో సాగు విస్తీర్ణం చాలా వరకు పడిపోయింది. దీనివల్ల రాబోయే రోజుల్లో బియ్యం ఉత్పత్తిపై తీవ్ర ప్రభావం పడే అవకాశం ఉంది. ప్రభుత్వం మరియు రైతులు ఈ పరిస్థితులను ముందే అంచనా వేసి తగిన ప్రణాళికలు సిద్ధం చేసుకోవాలని వ్యవసాయ నిపుణులు సూచిస్తున్నారు.

Read also: Khairatabad Ganesh Immersion: వైభవంగా గంగమ్మ ఒడికి చేరిన ఖైరతాబాద్‌ మహా గణేష్

Decline in paddy cultivation in Telangana

గతేడాదితో పోలిస్తే ముప్పై ఏడు లక్షల టన్నులు తక్కువ ధాన్యం

ఈ వానాకాలం సీజన్ ముగిసే నాటికి రాష్ట్రంలో కేవలం యాభై ఐదు లక్షల ఎకరాలలో మాత్రమే వరి సాగు పూర్తయింది. గత సంవత్సరంతో పోలిస్తే ఇది సుమారు పదహారు శాతం తక్కువగా ఉంది. వాతావరణంలో వచ్చిన మార్పుల వల్ల గత ఏడాది వచ్చిన కోటీ యాభై లక్షల టన్నుల ధాన్యం దిగుబడి ఈసారి కేవలం కోటీ పದಿమూడు లక్షల టన్నులకు మాత్రమే పరిమితం కానుంది. అంటే గతేడాదితో పోలిస్తే సుమారు ముప్పై ఏడు లక్షల టన్నుల ధాన్యం దిగుబడి తగ్గే అవకాశం ఉందని అంచనా వేస్తున్నారు. ఈ తగ్గుదల కారణంగా మిల్లింగ్ తర్వాత కేవలం డెబ్బై ఐదు లక్షల టన్నుల వరకు మాత్రమే బియ్యం ఉత్పత్తి అయ్యే పరిస్థితి కనిపిస్తోంది. దేశవ్యాప్తంగా వరి సాగులో తెలంగాణ తొలి స్థానంలో ఉన్నప్పటికీ దిగుబడిలో మాత్రం ఈసారి భారీ తగ్గుదల తప్పనిసరి అయింది.

EL nino effect:అడుగంటిన భూగర్భ జలాలు

భూగర్భ జలమట్టాలు పడిపోవడం మరియు నీటి లభ్యత తగ్గడం వల్ల రాబోయే యాసంగి సీజన్ పై కూడా తీవ్ర ఆందోళన నెలకొంది. గత ఏడాది ఆగస్టు నాటికి ఐదు మీటర్ల లోతులో ఉన్న భూగర్భ జలాలు ఇప్పుడు ఏడు మీటర్లకు పైగా పడిపోయాయి. వికారాబాద్, సూర్యాపేట జిల్లాలలో నీటిమట్టాలు ఐదు మీటర్లకు పైగా తగ్గిపోయాయి. ఈ నేపథ్యంలో ప్రభుత్వం మార్కెట్ డిమాండ్ కు తగిన సన్న రకాలు మరియు ఎగుమతులకు అనుకూలమైన వరి రకాలను సాగు చేయించేలా ప్రత్యేక చర్యలు తీసుకోవాలి. సాగునీటి లభ్యతను మెరుగుపరచడానికి ఇప్పటి నుంచే పకడ్బందీ ప్రణాళికలు రచిస్తేనే భవిష్యత్తులో బియ్యం కొరతను సమర్థవంతంగా ఎదుర్కోవడానికి అవకాశం ఉంటుంది.

Epaper: epaper.vaartha.com

దసరా ముందే కొత్త పింఛన్ల పంపిణీకి సీతక్క ఆదేశం