టెన్త్ ఫెయిల్.. విద్యార్థిని ఆత్మహత్య!

Hindupuram crime: శ్రీ సత్యసాయి జిల్లా హిందూపురం మండలం కిరికెర గ్రామంలో తీవ్ర విషాదం నెలకొంది. పదో తరగతి ఫలితాలు ఒక నిండు ప్రాణాన్ని బలితీసుకున్నాయి.

పరీక్షల్లో ఉత్తీర్ణత సాధించలేకపోయాననే మనస్థాపంతో 15 ఏళ్ల విద్యార్థిని హంస శ్రీ బలవన్మరణానికి పాల్పడింది.

అసలేం జరిగిందంటే?

ఆంధ్రప్రదేశ్ ప్రభుత్వం తాజాగా విడుదల చేసిన పదో తరగతి ఫలితాల్లో హంస శ్రీ ఫెయిల్ అయ్యింది. ఎంతో ఆశగా ఫలితాల కోసం ఎదురుచూసిన ఆ చిన్నారి, ఫలితం ప్రతికూలంగా రావడంతో తీవ్ర మనస్తాపానికి గురైంది. ఇంట్లో ఎవరూ లేని సమయంలో ఉరి వేసుకుని ఆత్మహత్య చేసుకుంది. ఈ ఘటన స్థానికంగా తీవ్ర కలకలం రేపింది.