TVK Keerthana S MLA: తమిళనాడు రాజకీయాల్లో నటుడు విజయ్ స్థాపించిన తమిళగ వెట్రి కజగం (TVK) సరికొత్త చరిత్ర సృష్టించింది. దశాబ్దాలుగా రాష్ట్రాన్ని శాసిస్తున్న డీఎంకే, అన్నాడీఎంకే పార్టీలకు షాక్ ఇస్తూ 100కు పైగా స్థానాలతో సింగిల్ లార్జెస్ట్ పార్టీగా అవతరించింది.

ఈ విజయ పరంపరలో ఒక తెలుగు మహిళా ఎమ్మెల్యే ఉండటం ఇప్పుడు తెలుగు రాష్ట్రాల్లోనూ హాట్ టాపిక్ గా మారింది.

Read Also:Tamilnadu Results: ఎన్నికల్లో ధనస్వామ్యం ఓడి ప్రజాస్వామ్యం గెలిచింది - విజయ్

ఎవరీ కీర్తన? చరిత్ర సృష్టించిన విజయం

టీవీకే తరఫున శివకాశి అసెంబ్లీ నియోజకవర్గం నుండి పోటీ చేసిన ఎస్. కీర్తన (30) అద్భుత విజయాన్ని అందుకున్నారు. ఈ విజయంతో ఆమె రెండు రికార్డులను తన ఖాతాలో వేసుకున్నారు:

1. టీవీకే పార్టీ తరఫున గెలిచిన కీలక అభ్యర్థులలో ఒకరిగా నిలవడం.
2. శివకాశి నియోజకవర్గ చరిత్రలో 1957 తర్వాత ఎన్నికైన తొలి మహిళా ఎమ్మెల్యేగా రికార్డు సృష్టించడం. దాదాపు 67 ఏళ్ల తర్వాత ఈ నియోజకవర్గం ఒక మహిళా ప్రతినిధిని అసెంబ్లీకి పంపిస్తోంది.

TVK Keerthana S MLA: మెజారిటీ, విద్యాభ్యాసం

శివకాశి బరిలో నిలిచిన కీర్తన మొత్తం 68,709 ఓట్లు సాధించారు. తన సమీప ప్రత్యర్థి, కాంగ్రెస్ అభ్యర్థి అశోకన్‌పై 11,670 ఓట్ల ఆధిక్యంతో ఆమె గెలుపొందారు. కీర్తన ఉన్నత విద్యావంతురాలు. పోస్ట్ గ్రాడ్యుయేషన్ పూర్తి చేసిన ఆమె, రాజకీయాల్లోకి రాకముందు వృత్తిరీత్యా కన్సల్టెంట్‌గా పనిచేశారు. యువతకు, మహిళలకు ప్రాధాన్యత ఇస్తానన్న విజయ్ మాటకు కీర్తన విజయం ఒక నిదర్శనంగా నిలిచింది.

Vijay TVK Party Winners