Trump Jr Wife On Russian Oligarch : అమెరికా అధ్యక్షుడు డోనాల్డ్ ట్రంప్ కుమారుడు డోనాల్డ్ ట్రంప్ జూనియర్ వివాహానికి సంబంధించి ఒక సంచలన విషయం వెలుగులోకి వచ్చింది.
రష్యా అధ్యక్షుడు వ్లాదిమిర్ పుతిన్‌కు అత్యంత సన్నిహితుడైన ఉమర్ క్రెమ్లెవ్, ట్రంప్ జూనియర్ పెళ్లి వేడుకలకు ఆర్థిక సాయం చేశారని ఆయన భార్య బెట్టినా ట్రంప్ సోషల్ మీడియా వేదికగా ధ్రువీకరించారు.
‘అది కేవలం పెళ్లి కానుక మాత్రమే’: బెట్టినా వివరణ
ఇన్‌స్టాగ్రామ్‌లో విడుదల చేసిన ప్రకటనలో బెట్టినా ట్రంప్ ఈ వివాదంపై స్పందించారు: ఉమర్ క్రెమ్లెవ్‌ను తమ ‘ప్రియమైన స్నేహితుడు’గా పేర్కొంటూ, పెళ్లి తర్వాత జరిగిన వేడుకలను ఆయనే ఎంతో ఉదారంగా నిర్వహించారని తెలిపారు. ఒక వ్యక్తి ఎక్కడి నుంచి వచ్చారనే దాన్ని బట్టి వ్యక్తిగతమైన, సంతోషకరమైన విషయానికి రాజకీయ ముద్ర వేయడం సరికాదని వ్యాఖ్యానించారు.ఉదారంగా ఇచ్చే ప్రతీ బహుమతి వెనుక ఏదో ఒక అజెండా ఉండాల్సిన అవసరం లేదని, కొన్నిసార్లు బహుమతి కేవలం ఒక కానుక మాత్రమేనని స్పష్టం చేశారు. పరిశోధనాత్మక సంస్థ ప్రోపబ్లికా వెల్లడించిన వివరాల ప్రకారం: బహామాస్‌లో మూడు రోజుల పాటు జరిగిన ఈ వేడుకల కోసం రెండు ప్రైవేట్ దీవుల్లో ఒకదానిని అద్దెకు తీసుకున్నారు. గ్రాండ్ బాణసంచా ప్రదర్శనతో పాటు పలు కార్యక్రమాల కోసం క్రెమ్లెవ్ లక్షల డాలర్లు ఖర్చు చేసినట్లు నివేదిక స్పష్టం చేసింది. మొదట స్నేహితులతో గడిపేందుకు ప్లాన్ చేసుకున్న ఈ వారాంతపు వేడుకలకు ముందే కుటుంబ సభ్యుల సమక్షంలో వివాహం చేసుకొని, ఆ తర్వాత వీరు ఈ వేడుకల్లో పాల్గొన్నారని బెట్టినా వివరించారు.
Read also: America : అంతరిక్షంలో ఆయుధాలు.. తొలిసారి బయటపెట్టిన అమెరికా
Trump Jr Wife On Russian Oligarch
Trump Jr Wife On Russian Oligarch : ఎవరీ ఉమర్ క్రెమ్లెవ్?
రష్యాకు చెందిన ఉమర్ క్రెమ్లెవ్ అంతర్జాతీయ బాక్సింగ్ అసోసియేషన్ (IBA) అధిపతిగా వ్యవహరిస్తున్నారు.ఇటీవల పుతిన్ చేతుల మీదుగా రష్యా అత్యున్నత ‘ఆర్డర్ ఆఫ్ ఫ్రెండ్‌షిప్’ పురస్కారాన్ని అందుకున్నారు. రష్యా అధికారిక ప్రతినిధి బృందంలో భాగంగా పుతిన్‌తో కలిసి చైనా పర్యటనలో కూడా పాల్గొన్నారు. ఉక్రెయిన్-రష్యా యుద్ధం కొనసాగుతున్న సమయంలో, శాంతి ఒప్పందం కోసం అమెరికా ప్రయత్నాలు చేస్తున్న వేళ ట్రంప్ కుటుంబానికి చెందిన వివాహ వేడుకలకు రష్యా ప్రముఖుడు నిధులు సమకూర్చడం అంతర్జాతీయంగా పెద్ద చర్చనీయాంశమైంది.