Warangal Mamnoor Airport: తెలంగాణ ప్రజలు ఎంతగానో ఎదురుచూస్తున్న వరంగల్ (మామునూరు) విమానాశ్రయ నిర్మాణ పనులను అత్యంత వేగవంతం చేస్తామని కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు అధికారికంగా ప్రకటించారు.
ఈ ప్రాజెక్టును త్వరితగతిన పట్టాలెక్కించేందుకు కేంద్ర, రాష్ట్ర ప్రభుత్వాలు సమన్వయంతో అడుగులు వేస్తున్నాయని ఆయన స్పష్టం చేశారు.
Warangal Mamnoor Airport: మరో 3 వారాల్లో ప్రారంభం కానున్న పనులు
వరంగల్ విమానాశ్రయానికి సంబంధించి రాబోయే మూడు వారాల్లోనే నిర్మాణ పనులు ప్రారంభించేలా అన్ని చర్యలు తీసుకుంటున్నట్లు కేంద్ర మంత్రి వెల్లడించారు. ఈ ప్రాజెక్ట్ రన్వే విస్తరణ, ఇతర మౌలిక వసతుల కల్పన కోసం తెలంగాణ ప్రభుత్వం రికార్డు స్థాయిలో 253 ఎకరాల భూమిని అత్యంత వేగంగా సేకరించడాన్ని ఆయన ప్రత్యేకంగా అభినందించారు. రాష్ట్ర ప్రభుత్వ సహకారంతో ఈ పనులను ఎలాంటి అడ్డంకులు లేకుండా పూర్తి చేస్తామని ధీమా వ్యక్తం చేశారు.
Read Also : Revanth Reddy MP Meeting: ఎంపీలకు సీఎం రేవంత్ రెడ్డి దిశానిర్దేశం
Work on the Warangal airport is set to begin soon.
కాకతీయ కళా వైభవంతో ఎయిర్పోర్ట్
చారిత్రాత్మక వరంగల్ నగర విశిష్టతను ప్రతిబింబించేలా, కాకతీయ కళా వైభవం మరియు వారసత్వ కట్టడాల థీమ్తో ఈ విమానాశ్రయ టెర్మినల్ భవనాన్ని అత్యద్భుతంగా నిర్మించనున్నట్లు మంత్రి తెలిపారు. ఈ ప్రతిష్టాత్మక విమానాశ్రయాన్ని 2028, జూన్ 2 నాటికి పూర్తి చేసి సరికొత్త రికార్డు సృష్టిస్తామని కాలపరిమితిని ప్రకటించారు. ఉత్తర తెలంగాణ ప్రాంతంలో కనెక్టివిటీని మరింత పెంచేందుకు కేంద్ర ప్రభుత్వం మరో కీలక నిర్ణయం తీసుకుంది. ఆదిలాబాద్లో పాత ఎయిర్పోర్ట్ రన్వే స్థానంలో అత్యాధునిక ‘డిఫెన్స్-సివిలియన్ ఎయిర్పోర్ట్’ నిర్మిస్తామని కేంద్ర మంత్రి రామ్మోహన్ నాయుడు స్పష్టం చేశారు. ఇది ఒకవైపు దేశ రక్షణ రంగానికి, మరోవైపు సాధారణ ప్రయాణికులకు రవాణా సేవలను అందించేందుకు ఎంతగానో దోహదపడనుంది.