Uddandapur Reservoir Works PRLIS: పాలమూరు-రంగారెడ్డి ఎత్తిపోతల నీటిపారుదల పథకం (PRLIS) పనులను యుద్ధప్రాతిపదికన, అత్యంత త్వరితగతిన పూర్తి చేయడానికి ప్రభుత్వం అన్ని రకాల చారిత్రాత్మక చర్యలు తీసుకుంటుందని రాష్ట్ర ముఖ్యమంత్రి ఎ.

రేవంత్ రెడ్డి స్పష్టం చేశారు. మహబూబ్‌నగర్ జిల్లా ప్రాజెక్టుల క్షేత్రస్థాయి పరిశీలనలో భాగంగా రెండవ రోజైన శుక్రవారం ఆయన పాలమూరు-రంగారెడ్డి ఎత్తిపోతల ప్రధాన పనులను నిశితంగా తనిఖీ చేశారు. అనంతరం జడ్చర్ల మండలం పరిధిలోని ప్రతిష్టాత్మక ఉద్దండాపూర్ రిజర్వాయర్ (ఉదండాపూర్ జలాశయం) పనుల పురోగతిని సీఎం స్వయంగా పరిశీలించారు. ఈ సందర్భంగా అక్కడ సాగునీటి శాఖ ఏర్పాటు చేసిన ప్రత్యేక ఫోటో గ్యాలరీని, ఇంజనీరింగ్ ప్లాన్ మ్యాప్స్‌ను ముఖ్యమంత్రి క్షుణ్ణంగా వీక్షించారు.

Read Also : ప్రభుత్వ ఉద్యోగులు నిబద్ధతతో పనిచేయాలి

పాలమూరు-రంగారెడ్డి ఎత్తిపోతల పథకం ప్రధాన ట్రంక్‌లో ఉద్దండాపూర్ జలాశయం అత్యంత కీలకమైన 5వ ప్రాజెక్టు కావడం విశేషం. ఈ జలాశయానికి సంబంధించిన పనులను ప్యాకేజీ-16, ప్యాకేజీ-17 మరియు ప్యాకేజీ-18 అనే మూడు ప్రధాన ప్యాకేజీలలో విభజించి పనులను చేపట్టారు. ఉద్దండాపూర్ పరిధిలో మొత్తం రూ. 7,802.91 కోట్ల విలువైన పనులకు గాను, ఇప్పటివరకు సుమారు రూ. 5,126.59 కోట్ల (65.70%) మేర పనులు విజయవంతంగా పూర్తయ్యాయని అధికారులు ముఖ్యమంత్రికి నివేదించారు. ఉద్దండాపూర్ జలాశయాన్ని పూర్తి స్థాయి వినియోగంలోకి తీసుకురావడానికి ఇంకా రూ. 2,675.91 కోట్ల విలువైన భౌతిక పనులు మిగిలి ఉన్నాయని, వీటిని రాబోయే జూలై 2027 నాటికి వంద శాతం పూర్తి చేయాలని సీఎం గడువు విధించారు. దక్షిణ ప్రధాన కాలువతో (South Main Canal) సహా ఈ జలాశయం పరిధి కింద మొత్తం 9,3,6685 ఎకరాల సువిశాల ఆయకట్టుకు సాగునీరు అందనుంది.

మూడు ప్యాకేజీల వారీగా పనుల పురోగతి, కంపెనీల వివరాలు కింద పొందుపరచడమైనది:

Uddandapur Reservoir Works PRLIS: ప్యాకేజీ-16 పనుల పురోగతి

ఈ ప్యాకేజీ పనులను మెస్సర్స్ ఎన్ఈసి-ఆర్విఆర్ (NEC-RVR JV, Hyderabad) సంయుక్త భాగస్వామ్య ఏజెన్సీ నిర్వహిస్తోంది. ఈ ప్యాకేజీ మొత్తం బడ్జెట్ విలువ రూ. 4,315.32 కోట్లు కాగా, ఇప్పటివరకు రూ. 3,053.29 కోట్ల (70.50%) విలువైన పనులు పూర్తయ్యాయి. ఇంకా రూ. 1,262.03 కోట్ల (29.50%) భౌతిక పనులు మిగిలి ఉన్నాయి. ఈ ప్యాకేజీకి మొత్తం 354 ఎకరాల 26 గుంటల భూమి అవసరం కాగా, ఇప్పటికే 346 ఎకరాల 20 గుంటల భూమిని సేకరించడం జరిగింది.

ప్యాకేజీ-17 పనుల పురోగతి

ఈ ప్యాకేజీ నిర్మాణ బాధ్యతలను మెస్సర్స్ హెచ్‌ईఎస్-హర్ష (HES-Harsha JV, Hyderabad) ఏజెన్సీ చేపట్టింది. దీని మొత్తం ప్యాకేజీ విలువ రూ. 736.08 కోట్లు కాగా, ప్రస్తుతం రూ. 501.74 కోట్ల (68.16%) మేర పనులు పూర్తయ్యాయి. ఇంకా రూ. 234.34 కోట్ల (31.84%) విలువైన పనులు పూర్తి కావాల్సి ఉంది. ఈ ప్రాజెక్టుకు అవసరమైన 1,678 ఎకరాల 03 గుంటల భూమికి గాను, 1,667 ఎకరాల 19 గుంటల భూసేకరణను రెవెన్యూ అధికారులు పూర్తి చేశారు.

ప్యాకేజీ-18 పనుల పురోగతి

ఈ ప్యాకేజీ పనులను ప్రముఖ నిర్మాణ సంస్థ మెస్సర్స్ మేఘా-హెస్ (MEIL-HES JV, Hyderabad) సంయుక్త భాగస్వామ్యంతో నిర్వహిస్తోంది. దీని మొత్తం ప్యాకేజీ విలువ రూ. 2,751.51 కోట్లు. ఇందులో ఇప్పటివరకు రూ. 1,571.96 కోట్ల (57.13%) మేర పనులు పూర్తి కాగా, మిగిలిన రూ. 1,179.55 కోట్ల (42.86%) భౌతిక పనులను వేగవంతం చేయాలని సీఎం ఆదేశించారు. ఈ ప్యాకేజీ పరిధిలో అవసరమైన 3,183 ఎకరాల 26.5 గుంటల భూమిని కూడా సేకరించడం జరిగింది.