TG RTC PRC implementation: తెలంగాణ ఆర్టీసీ కార్మికులకు రాష్ట్ర ప్రభుత్వం ఎట్టకేలకు ఒక పెద్ద శుభవార్త అందించింది. ఎన్నికల సమయంలో ఆర్టీసీ ఉద్యోగులకు ఇచ్చిన ప్రతి హామీని నెరవేరుస్తామని రవాణా శాఖ మంత్రి పొన్నం ప్రభాకర్ స్పష్టం చేశారు.
కార్మిక సంఘాల డిమాండ్లు, ఆర్టీసీ విలీన ప్రక్రియపై ఆయన ఒక సుదీర్ఘమైన ప్రెస్ నోట్ విడుదల చేశారు. కాంగ్రెస్ ప్రభుత్వం కార్మికుల పక్షపాతి అని, ఇచ్చిన మాటకు కట్టుబడి పనిచేస్తుందని ఈ సందర్భంగా ఆయన పునరుద్ఘాటించారు. ఆర్టీసీ కార్మికులు ఎప్పటి నుంచో ఎంతో ఆశగా ఎదురుచూస్తున్న 11 శాతం పీఆర్సీ (PRC) అమలుపై మంత్రి పొన్నం ప్రభాకర్ పూర్తి స్పష్టతనిచ్చారు. వచ్చే జూలై నెల జీతాల నుంచే ఈ పెంచిన పీఆర్సీని కార్మికులకు అందజేయనున్నట్లు అధికారికంగా ప్రకటించారు. ప్రభుత్వ తీసుకున్న ఈ నిర్ణయం వల్ల వేలాది మంది ఆర్టీసీ ఉద్యోగులకు, వారి కుటుంబాలకు ఆర్థికంగా పెద్ద ఊరట లభించనుంది.
Read also: KCR ఎందుకు బయటకు రావడం లేదనే ప్రశ్నపై కేటీఆర్ రియాక్షన్
Good news for employees: Revised PRC to be implemented from July.
TG RTC PRC implementation: 29 డిమాండ్లు పూర్తి.. త్వరలోనే గుర్తింపు సంఘాల ఎన్నికలు
కార్మికులు ప్రభుత్వం ముందు ఉంచిన 32 ప్రధాన డిమాండ్లలో ఇప్పటికే 29 అంశాల పరిష్కారానికి ప్రభుత్వం వేగంగా చర్యలు తీసుకుందని మంత్రి వివరించారు. ప్రభుత్వ పరిధిలో ఉన్న మిగిలిన మూడు కీలక అంశాలపై కూడా ప్రస్తుతం సానుకూల ప్రక్రియ కొనసాగుతోందన్నారు. అలాగే, ఆర్టీసీలో గుర్తింపు సంఘాల ఎన్నికల ప్రక్రియ ఇప్పటికే ప్రారంభమైందని, త్వరలోనే వీటికి సంబంధించిన పూర్తి ఎన్నికల షెడ్యూల్ను విడుదల చేస్తామని మంత్రి వెల్లడించారు.
ఆర్టీసీని ప్రభుత్వంలో విలీనం చేసే ప్రక్రియపై మంత్రి కీలక వ్యాఖ్యలు చేశారు. ఆంధ్రప్రదేశ్లో విలీనం సందర్భంగా తలెత్తిన సాంకేతిక, చట్టపరమైన ఇబ్బందులను తాము క్షుణ్ణంగా అధ్యయనం చేశామని, తెలంగాణలో అలాంటి సమస్యలు రాకుండా ముందస్తు జాగ్రత్తలు తీసుకుంటున్నామని చెప్పారు. ఎన్నికల్లో గెలిచే గుర్తింపు సంఘం ప్రతినిధులనే విలీన కమిటీలో భాగస్వామ్యం చేస్తామని, విధివిధానాల రూపకల్పనలో కార్మిక నేతలకు పూర్తి అవకాశం కల్పిస్తామని హామీ ఇచ్చారు.
తప్పుడు ప్రచారాలు నమ్మొద్దు: మంత్రి విజ్ఞప్తి
కొంతమంది కార్మిక సంఘాల నేతలు తమ స్వార్థ ప్రయోజనాల కోసం కార్మికులను తప్పుదోవ పట్టిస్తున్నారని మంత్రి పొన్నం ప్రభాకర్ ఆరోపించారు. విలీన ప్రక్రియను వివాదాస్పదం చేయవద్దని ఆయన కోరారు. ఇలాంటి అసత్య ప్రచారాలను, పుకార్లను కార్మికులు ఎట్టిపరిస్థితుల్లోనూ నమ్మవద్దని, సంస్థ శ్రేయస్సు కోసం ప్రభుత్వం తీసుకుంటున్న నిర్ణయాలకు సహకరించాలని మంత్రి విజ్ఞప్తి చేశారు.
Read hindi news : hindi.vaartha.com