ఉత్తరప్రదేశ్ రాష్ట్రంలో గత 24 గంటలుగా వాతావరణం భీభత్సంగా మారింది. అకాల వర్షాలు, ఈదురుగాలులు, భారీ వడగళ్ల వానలు రాష్ట్రాన్ని అతలాకుతలం చేశాయి.
ఈ విపత్తు కారణంగా ఇప్పటివరకు సుమారు 54 మంది ప్రాణాలు కోల్పోయినట్లు అధికారిక గణాంకాలు చెబుతున్నాయి. రాష్ట్రంలోని పలు జిల్లాల్లో ప్రకృతి ప్రకోపం తీవ్రంగా ఉంది. ముఖ్యంగా భదోహీ జిల్లాలో పరిస్థితి అత్యంత దారుణంగా ఉంది, ఇక్కడ ఒక్క రోజే 15 మంది మరణించినట్లు సమాచారం. ప్రయాగ్రాజ్, కాన్పూర్ దేహత్, ఫతేపూర్, బుదౌన్ జిల్లాల్లో కూడా పిడుగులు పడటం, చెట్లు విరిగి పడటం, ఇళ్లు కూలడం వంటి ఘటనల వల్ల భారీగా ప్రాణనష్టం సంభవించింది. అనేక ప్రాంతాల్లో విద్యుత్ స్తంభాలు నేలకొరగడంతో చీకటి అలుముకుంది.
Uttar Pradesh Rain: భారీగా ఆస్తి, పంట నష్టం
తుఫాను ప్రభావంతో కేవలం ప్రాణనష్టమే కాకుండా, ఆస్తి నష్టం కూడా భారీగా జరిగింది. ఈదురుగాలుల ధాటికి వందలాది ఎకరాల్లో సాగు చేసిన పంటలు నాశనమయ్యాయి. రైతులు పండించిన పంట చేతికి వచ్చే తరుణంలో ఇలాంటి విపత్తు రావడం వారిని కోలుకోలేని దెబ్బ తీసింది. బాధిత కుటుంబాలకు ప్రభుత్వం తక్షణ సహాయం ప్రకటించే దిశగా అడుగులు వేస్తోంది. జిల్లాల కలెక్టర్లు క్షేత్రస్థాయిలో పర్యటించి నష్టాన్ని అంచనా వేయాలని ముఖ్యమంత్రి కార్యాలయం ఆదేశించింది. క్షతగాత్రులకు మెరుగైన వైద్యం అందించాలని అధికారులకు సూచించారు.
Read Also hindi news: hindi.vaartha.com
Epaper: epaper.vaartha.com
Read Also: