వైట్ బాల్ పింక్ అయింది.. పీఎస్ఎల్ ట్రోల్

PSL viral incident : Pakistan Super League 11వ సీజన్ ప్రారంభ మ్యాచ్‌లో ఆశ్చర్యకర ఘటన చోటుచేసుకుంది. మ్యాచ్ జరుగుతుండగా తెల్లటి క్రికెట్ బంతి క్రమంగా పింక్ రంగులోకి మారిపోవడం అభిమానులను షాక్‌కు గురిచేసింది.

సోషల్ మీడియాలో ఈ సంఘటన వైరల్ అవుతూ పీఎస్ఎల్ నిర్వహణపై నెటిజన్లు విమర్శలు గుప్పిస్తున్నారు.

కారణం ఏమిటి?

ఈ వింతకు అసలు కారణం ఆటగాళ్ల జెర్సీల నాణ్యత అని తెలిసింది. హైదరాబాద్ కింగ్స్‌మెన్ ఆటగాళ్లు బంతిని మెరుగు పెట్టేందుకు తమ ప్యాంట్లకు రుద్దినప్పుడు, ఆ బట్టల రంగు బంతికి అంటుకుంది. రెండో ఓవర్ నుంచే బంతి రంగు మారడం మొదలై, 15వ ఓవర్‌కి పూర్తిగా పింక్‌గా మారిపోయింది. దీంతో అంపైర్లు బంతిని మార్చాల్సి వచ్చింది.

మ్యాచ్ ఫలితం - Shaheen Afridi జట్టు విజయం

లాహోర్‌లో జరిగిన ఈ మ్యాచ్‌లో Lahore Qalandars 69 పరుగుల తేడాతో ఘనవిజయం సాధించింది. ముందుగా బ్యాటింగ్ చేసిన లాహోర్ జట్టు 20 ఓవర్లలో 199 పరుగులు చేసింది. ఫఖర్ జమాన్ అద్భుతంగా ఆడి 53 పరుగులు చేసి మ్యాన్ ఆఫ్ ది మ్యాచ్ అవార్డు అందుకున్నాడు. లక్ష్య ఛేదనలో దిగిన హైదరాబాద్ కింగ్స్‌మెన్ జట్టు కేవలం 130 పరుగులకే ఆలౌట్ అయి పరాజయం పాలైంది.

ప్రేక్షకులు లేకుండా ప్రారంభం

ఈసారి పీఎస్ఎల్ ప్రారంభం సాధారణంగా ఉండే (PSL viral incident) హంగామా లేకుండా జరిగింది. Shehbaz Sharif సూచనల మేరకు భద్రతా మరియు ఇంధన సమస్యల కారణంగా ప్రేక్షకులను స్టేడియంలోకి అనుమతించలేదు. అలాగే టోర్నీని కేవలం లాహోర్, కరాచీ నగరాలకు మాత్రమే పరిమితం చేశారు.

సోషల్ మీడియాలో ట్రోల్స్

బంతి రంగు మారిన ఘటనపై నెటిజన్లు తీవ్రంగా స్పందిస్తున్నారు. "ఇవి ఒరిజినల్ కిట్స్ ఆ లేక నకిలీవా?" అంటూ పీఎస్ఎల్ ప్రమాణాలను ప్రశ్నిస్తున్నారు. ఈ ఘటన లీగ్ ప్రతిష్టపై కూడా ప్రభావం చూపే అవకాశం ఉందని నిపుణులు అభిప్రాయపడుతున్నారు.