VenkyAnil5 Movie Poster: నందమూరి నందనవనపు వారసుడు, వైవిధ్యభరిత చిత్రాల కథానాయకుడు నందమూరి కళ్యాణ్ రామ్ (Kalyan Ram) పుట్టినరోజు సందర్భంగా ఆయన అభిమానులకు చిత్రబృందం అదిరిపోయే బహుమతిని అందించింది.
విక్టరీ వెంకటేష్ (Venkatesh), కళ్యాణ్ రామ్ ప్రధాన పాత్రల్లో టాలెంటెడ్ డైరెక్టర్ అనిల్ రావిపూడి దర్శకత్వంలో తెరకెక్కుతున్న ప్రతిష్టాత్మక భారీ మల్టీస్టారర్ ప్రాజెక్ట్ (#VenkyAnil5) నుంచి అదిరిపోయే స్పెషల్ బర్త్డే పోస్టర్ను మేకర్స్ విడుదల చేశారు. ఈ పోస్టర్లో కళ్యాణ్ రామ్ పూర్తి సంప్రదాయబద్ధమైన పంచెకట్టు గెటప్లో పక్కా లోకల్ లుక్తో ఫ్యాన్స్ను విపరీతంగా ఆకట్టుకుంటున్నారు. ప్రస్తుతం ఈ లుక్ సోషల్ మీడియా ప్లాట్ఫామ్లలో విపరీతంగా ట్రెండ్ అవుతోంది.
Read Also:Maa Inti Bangaram Collections: ఓవర్సీస్లో 2 మిలియన్ డాలర్ల మార్క్ దాటిన 'మా ఇంటి బంగారం'!
నా మొదటి హీరో, బెస్ట్ బడ్డీ.. అనిల్ రావిపూడి ఎమోషనల్ పోస్ట్
ఈ ప్రత్యేక సందర్భాన్ని పురస్కరించుకుని దర్శకుడు అనిల్ రావిపూడి సోషల్ మీడియా వేదికగా కళ్యాణ్ రామ్కు పుట్టినరోజు శుభాకాంక్షలు తెలుపుతూ ఒక భావోద్వేగ ట్వీట్ చేశారు.
అనిల్ రావిపూడి పోస్ట్: "నా దర్శకుడి కల నిజం చేస్తూ, నా మొదటి సినిమా 'పటాస్'కు అవకాశం ఇచ్చి, ఒక కొత్త డైరెక్టర్ను నమ్మిన నా మొదటి హీరో, నా బెస్ట్ బడ్డీ కళ్యాణ్ రామ్ గారికి హృదయపూర్వక కృతజ్ఞతలు. ఈ క్రేజీ మల్టీస్టారర్ సినిమాలో ఆయన్ను ముందెన్నడూ చూడని ఒక సరికొత్త అవతారంలో వెండితెరపై చూపించబోతున్నందుకు నాకు చాలా ఎగ్జైటింగ్గా ఉంది."
VenkyAnil5 Movie Poster: 2027 సంక్రాంతి బరిలోకి విక్టరీ-నందమూరి కాంబో!
పోస్టర్తో పాటు టాలీవుడ్ ట్రేడ్ వర్గాల్లో ఆసక్తి రేకెత్తించే మరో సంచలన ప్రకటనను అనిల్ రావిపూడి అధికారికంగా ఖరారు చేశారు. ఈ క్రేజీ ప్రాజెక్ట్ను 2027 సంక్రాంతి (Sankranthi 2027) కానుకగా థియేటర్లలోకి ప్రపంచవ్యాప్తంగా భారీ ఎత్తున తీసుకురాబోతున్నట్లు ప్రకటించారు. అనిల్ రావిపూడి కెరీర్కు మైలురాయిగా నిలిచిన 'పటాస్' బ్లాక్బస్టర్ హిట్ తర్వాత వీరిద్దరి కాంబినేషన్లో వస్తున్న సినిమా కావడం, దీనికి తోడు బాక్సాఫీస్ సీనియర్ కింగ్ విక్టరీ వెంకటేష్ కూడా తోడవడంతో ఈ చిత్రంపై టాలీవుడ్లో అంచనాలు ఆకాశాన్ని తాకాయి.
Epaper: epaper.vaartha.com