या कारवाईत पोलिसांनी मौ. समीर मन्सुरी, नासिर आणि प्रशांत पाल यांना अटक केली. तपासात नासिर हा बीसीएचा विद्यार्थी असून तो तांत्रिक कामकाज सांभाळत असल्याचे समोर आले. समीर मन्सुरी दहावीपर्यंत शिक्षित आहे, तर प्रशांत पाल पूर्वी Zomato मध्ये डिलिव्हरीचे काम करत होता. नंतर तो टोळीला बनावट सिम कार्ड उपलब्ध करून देऊ लागला. चौकशीत मुख्य आरोपी समीर मन्सुरीने वेगवेगळ्या पत्त्यांवर दोन आधार कार्ड तयार केल्याचेही उघड झाले आहे. पोलिस या प्रकरणाचीही चौकशी करत आहेत.

पोलिसांनी आरोपींकडून मोठ्या प्रमाणात साहित्य जप्त केले आहे. यात ९७ सिम कार्ड, १० मोबाईल फोन, २ लॅपटॉप, ३२ स्लॉटचे २ सिम बॉक्स, १८ एटीएम कार्ड, २० चेकबुक, बनावट कागदपत्रे, स्टॅम्प पेपर, शिक्के, प्रिंटर, स्कॅनर, मोठ्या प्रमाणात पत्रके आणि गुन्ह्यात वापरलेल्या २ कारांचा समावेश आहे. दोन्ही कार पोलिसांनी जप्त केल्या आहेत.

एसपी सिटी विनायक गोपाल भोसले यांनी सांगितले की, तिन्ही आरोपींवर यापूर्वीही गुन्हे दाखल आहेत. बनावट कर्ज कंपनी चालवण्याच्या प्रकरणात ते आधी तुरुंगात जाऊन आले आहेत. सध्या पोलिसांनी संबंधित कलमांखाली गुन्हा दाखल करून आरोपींना तुरुंगात पाठवण्याची प्रक्रिया सुरू केली आहे. तसेच या टोळीचे इतर सदस्य, नेटवर्क आणि त्यांच्या माध्यमातून झालेल्या फसवणुकीची सखोल चौकशी सुरू आहे.

IPS विनायक भोसले यांची संवेदनशीलता ठरली निर्णायक; कामगिरीचे सर्वत्र होतेय कौतुक…

जिद्दीच्या जोरावर बनला IPS; गावकऱ्यांनी काढली चक्क हत्तीवरून मिरवणूक…

महाराष्ट्रातील मजुराचा मुलगा UPSC परीक्षेत उतीर्ण; IPS पदाला गवसणी…

Video! पोलिस अधिकारी IPS अमिताभ गुप्ता यांची विशेष मुलाखत…