ডিজিটেল ডেস্ক: এক হৃদয় বিদাৰক ঘটনা ! পানী ভৰ্তি বাল্টিত ডুবি এটি শিশুয়ে অকালতে প্ৰাণ হেৰুৱালে। মাতৃৰ সন্মুখতে খেলি থকা শিশুটোয়ে এইদৰে প্ৰাণ হেৰুৱাবলগীয়া ঘটনাই সকলোৰে চকু সেমেকাই তুলিছে।

ছোয়েইব নামৰ এই ডেৰ বছৰীয়া শিশুটোয়ে মঙলবাৰে দুপৰীয়া মাতৃৰ সৈতে চোতালত খেলি আছিল। এইদৰে খেলি থকাৰ মাজতে মাতৃগৰাকী মাত্ৰ অলপ সময়ৰ বাবে আন কামত ব্যস্ত হৈ পৰাৰ বাবেই এই শোকাৱহ ঘটনাটো সংঘটিত হয়। মাতৃয়ে যেতিয়া দেখে, তেতিয়া সন্তানটো পানী ভৰ্তি এটা বাল্টিত তলমূৰলৈ সোমাই আছে। দিক-বিদিক হেৰুৱাই মাতৃয়ে সন্তানটোক বাল্টিৰ পৰা উঠাই স্থানীয় চিকিৎসালয়লৈ লৈ যায় যদিও চিকিৎসকে ছোয়েইবক মৃত বুলি ঘোষণা কৰে।

এই ঘটনাটো উত্তৰ প্ৰদেশৰ হাথৰাছ জিলাৰ কোতৱালি ছাছনি অঞ্চলৰ গডুৱা গাঁৱত সংঘটিত হৈছে।