സംസ്ഥാനത്തിന്റെ വിവിധ ഭാഗങ്ങളില് ശക്തമായ മഴ തുടരുകയും ചിലയിടങ്ങളില് മണ്ണിടിച്ചിലും ഉരുള്പൊട്ടലും റിപ്പോർട്ട് ചെയ്യപ്പെട്ട സാഹചര്യത്തില് റവന്യൂ മന്ത്രിയുമായും ചീഫ് സെക്രട്ടറിയുമായും ജില്ലാ കലക്ടർമാരുമായും ഫോണില് ബന്ധപ്പെട്ടതായി മുഖ്യമന്ത്രി വിഡി സതീശൻ. ദുരന്തനിവാരണ പ്രവർത്തനങ്ങള് റവന്യൂ മന്ത്രി ഏകോപിപ്പിക്കുമെന്ന് മുഖ്യമന്ത്രി .
ജില്ലാ കലക്ടർമാരുടെ യോഗം റവന്യൂ മന്ത്രി വിളിച്ചു. എൻഡിആർഎഫ്, പൊലീസ് ഉള്പ്പെടെയുള്ളവർ ഏത് സാഹചര്യവും നേരിടാൻ സജ്ജമാണെന്നും അദ്ദേഹം കൂട്ടിച്ചേർത്തു. പരിക്കേറ്റവർക്ക് മെച്ചപ്പെട്ട ചികിത്സ ലഭ്യമാക്കാനും പുനരധിവാസ പ്രവർത്തങ്ങള് വേഗത്തിലാക്കാനും സർക്കാർ തീരുമാനിച്ചതായും അദ്ദേഹം അറിയിച്ചിട്ടുണ്ട്. സംസ്ഥാനത്തെ ശക്തമായ മഴയില് വ്യാപക നാശനഷ്ടമാണ് റിപ്പോർട്ട് ചെയ്തിട്ടുള്ളത്.