ब्रारचा लॉरेन्स बिश्नोई ऑर्गनाइज्ड क्राइम ग्रुपशी कथित संबंध असल्याचा आरोप आहे. त्याला अटक करण्यासाठी मदत करणारी माहिती देणाऱ्यास एफबीआयने तब्बल १ मिलियन डॉलरपर्यंतचे बक्षीस जाहीर केले आहे. एफबीआयने २८ सप्टेंबर रोजी ब्रारचा या यादीत समावेश केला.

एफबीआयच्या माहितीनुसार, ब्रार अमेरिकेत असून उत्तर अमेरिकेतील लॉरेन्स बिश्नोई गटाचा कथित नेता आहे. त्याला अत्यंत हिंसक, सशस्त्र आणि धोकादायक व्यक्ती मानले जात असल्याचे एफबीआयने म्हटले आहे. तो कॅलिफोर्निया तसेच कॅनडातील विविध भागांत राहत असल्याचेही तपास यंत्रणेने नमूद केले आहे. अमेरिकेतील लॉस एंजेलिस येथील फेडरल न्यायालयात ब्रारविरोधात अनेक आरोप ठेवण्यात आले आहेत. यात संघटित गुन्हेगारीशी संबंधित कट, खंडणीच्या माध्यमातून व्यापारात हस्तक्षेप करण्याचा कट तसेच नियंत्रित अमली पदार्थांचे वितरण आणि ते वितरण करण्याच्या उद्देशाने बाळगण्याचा कट यांचा समावेश आहे.

एफबीआयच्या आरोपानुसार, बिश्नोई गटावर अमेरिका आणि कॅनडासह विविध ठिकाणी लक्ष्यित हत्या, गोळीबार, हत्या, अपहरण, खंडणी, हल्ले तसेच अमली पदार्थ आणि शस्त्रांच्या तस्करीसारख्या हिंसक गुन्ह्यांमध्ये सहभागी असल्याचा आरोप आहे. या गटाच्या उत्तर अमेरिकेतील कारवायांमध्ये ब्रारची कथित महत्त्वाची भूमिका असल्याचे एफबीआयचे म्हणणे आहे.

बलुच सशस्त्र महिलांनी केला नऊ पाकिस्तानी सैनिकांचा खात्मा

बंडखोरांच्या भागात म्यानमार लष्कराचा हवाई हल्ला

तृणमूलचे इंद्रनील सेन यांच्या घरावर ईडीची धाड

अमेरिकेत भारतीय उद्योगसमूह एस्सारचा 'पोलादी' विस्तार

'ऑपरेशन हार्डबॉल'मध्ये ब्रारचे नाव

गोल्डी ब्रारचे नाव अमेरिकेच्या 'ऑपरेशन हार्डबॉल' या दीर्घकाळ चाललेल्या तपासात समोर आले. या तपासाचा संबंध भारतातून कार्यरत असलेल्या आंतरराष्ट्रीय संघटित गुन्हेगारी गटांशी आहे. जुलै २०२६ मध्ये अमेरिकेच्या अधिकाऱ्यांनी या तपासाअंतर्गत तीन गुन्हेगारी गटांशी संबंधित ३७ आरोपींविरोधात आरोपपत्र दाखल केल्याची माहिती दिली होती. या प्रकरणातील एका आरोपपत्रात बिश्नोई गटावर लक्ष केंद्रित करण्यात आले असून ब्रार हा या गटातील प्रमुख व्यक्तींपैकी एक असल्याचा आरोप आहे. त्याने जगभरातील गटाच्या सदस्यांना आणि सहकाऱ्यांना निर्देश देण्यात मदत केल्याचा एफबीआयचा दावा आहे.