ड्रोन, हवाई संरक्षण यंत्रणेच्या पुरवठ्याची चर्चा
पाकिस्तानच्या दोन महत्त्वाच्या हवाई तळांवर तुर्कीच्या लष्करी विमानांची गेल्या काही दिवसांत वारंवार ये-जा झाल्याने दक्षिण आशियातील सुरक्षा परिस्थितीकडे पुन्हा लक्ष वेधले गेले आहे.
१९ ते २१ ऑगस्टदरम्यान तुर्कीच्या हवाई दलातील सी-१३० हर्क्युलिस या लष्करी मालवाहू विमानांनी तुर्की आणि पाकिस्तानदरम्यान अनेक फेऱ्या केल्याची माहिती समोर आली आहे. सुमारे ६० तासांच्या कालावधीत या विमानांची ही हालचाल झाल्याचे सांगण्यात येत आहे.
ही विमाने रावळपिंडीजवळील नूर खान हवाई तळ आणि कराचीतील मसरूर हवाई तळावर उतरल्याचे तसेच तेथून उड्डाण केल्याचे सांगण्यात आले. गुप्तचर सूत्रांच्या माहितीनुसार, या विमानांच्या हालचालींची वारंवारता आणि पद्धत नेहमीपेक्षा वेगळी होती. त्यामुळे या विमानांमधून नेमकी कोणती लष्करी सामग्री पाकिस्तानात पोहोचवण्यात आली, याबाबत चर्चा सुरू झाली आहे.
या लष्करी विमानांच्या हालचालींच्या पार्श्वभूमीवर पाकिस्तानला ड्रोन आणि त्यांच्याशी संबंधित उपकरणांचा पुरवठा झाल्याची शक्यता व्यक्त केली जात आहे. गुप्तचर सूत्रांच्या माहितीनुसार, तुर्कीच्या विमानांमधून पाकिस्तानला मोठ्या प्रमाणावर ड्रोन आणि संबंधित लष्करी उपकरणे पोहोचवली गेली असण्याची शक्यता आहे. याशिवाय पाकिस्तानला एच-क्यू मालिकेतील हवाई संरक्षण यंत्रणा मिळाल्याचीही शक्यता व्यक्त करण्यात आली आहे. मात्र, या लष्करी सामग्रीचे प्रत्यक्ष हस्तांतरण झाल्याची स्वतंत्रपणे पुष्टी झालेली नाही. त्यामुळे तुर्कीच्या विमानांच्या या हालचालींमागील नेमका उद्देश अद्याप स्पष्ट झालेला नाही.
तुर्की आणि पाकिस्तानमधील संरक्षण सहकार्य नवीन नाही. पाकिस्तानकडे तुर्कीची बायरक्तार टीबी-२ ही मध्यम उंचीवर दीर्घकाळ उड्डाण करू शकणारी मानवरहित विमान प्रणाली आधीपासूनच आहे. टेहळणी, लक्ष्य निश्चिती आणि हल्ल्यांसाठी अशा ड्रोनचा वापर केला जातो. पाकिस्तानकडूनही आपल्या लष्करी क्षमतेत मानवरहित विमानांचा वापर वाढवण्यावर भर दिला जात आहे. दीर्घकाळ हवेत राहू शकणारी ड्रोन प्रणाली तसेच लक्ष्यावर हल्ला करण्यापूर्वी बराच काळ हवेत घिरट्या घालणारी शस्त्रप्रणाली विकसित करण्याच्या आणि मिळवण्याच्या दिशेने पाकिस्तान प्रयत्न करत आहे.
जयपूरमध्ये पाद्रीवर ईडीची छापेमारी; धार्मिक परिवर्तनासाठी निधी वापरला
राहुल गांधींकडून द्वेष, पण काँग्रेस मुख्यमंत्री शिवकुमार यांना अदानी हवेहवेसे
साखर महागली, चहादेखील 'उकळणार'
कॉक्रोच दौडा दौडा भागा भागा सा !
तुर्की हा पाकिस्तानचा संरक्षण क्षेत्रातील महत्त्वाचा भागीदार बनला असून, दोन्ही देशांमध्ये लष्करी तंत्रज्ञान आणि संरक्षण सामग्रीच्या क्षेत्रात सहकार्य वाढत आहे. त्यामुळे तुर्कीच्या सी-१३० विमानांच्या या वारंवार फेऱ्यांकडे भारताचेही लक्ष लागले आहे.