आयपीएल २०२६ मधील जयपूर येथे झालेल्या ४३व्या सामन्यात राजस्थान रॉयल्सला अव्वल स्थान गाठण्याची मोठी संधी होती; मात्र दिल्ली कॅपिटल्सने शानदार पाठलाग करत हा सामना जिंकला आणि राजस्थानचा प्लॅन फसवला.

या विजयासह दिल्ली सहाव्या स्थानावर पोहोचली आहे.

टॉस जिंकून प्रथम फलंदाजी करणाऱ्या राजस्थानची सुरुवात खराब झाली. वैभव सूर्यवंशी (४) आणि यशस्वी जायसवाल (६) लवकर बाद झाले. त्यानंतर कर्णधार रियान पराग याने ५० चेंडूत ९० धावांची खेळी करत डाव सावरला. डोनोवन फरेरा (१४ चेंडूत ४७) आणि ध्रुव जुरेल (३२ चेंडूत ४२) यांच्या योगदानामुळे राजस्थानने २० षटकांत ६ बाद २२५ धावा केल्या.

२२६ धावांच्या लक्ष्याचा पाठलाग करताना दिल्लीने सुरुवातीपासून आक्रमक खेळ केला. पाथुम निसांका (३३ चेंडूत ६२) आणि केएल राहुल (४० चेंडूत ७५) यांनी पहिल्या विकेटसाठी ११० धावांची भागीदारी करत विजयाची पायाभरणी केली. त्यानंतर नितीश राणा (१७ चेंडूत ३३), ट्रिस्टन स्टब्स (नाबाद १८) आणि आशुतोष शर्मा (नाबाद २५) यांच्या योगदानामुळे दिल्लीने १९.१ षटकांत ३ बाद २२६ धावा करत सामना ७ विकेट्सने जिंकला.

हेही वाचा :

सूर्यवंशी बाद झाला; जेमिसनला दणका बसला!

सार्वजनिक ठिकाणी नमाज अदा करणे मूलभूत अधिकार नाही

बारावीच्या निकालात कोकण विभाग अव्वल तर मुलींची बाजी!

भोंदू बाबा खरात प्रकरणात प्रतिभा चाकणकरांना ईडीचे समन्स

या सामन्यानंतर गुणतालिकेत पंजाब किंग्स १३ गुणांसह अव्वल, तर आरसीबी आणि सनरायझर्स हैदराबाद प्रत्येकी १२ गुणांसह अनुक्रमे दुसऱ्या आणि तिसऱ्या स्थानावर आहेत. राजस्थान रॉयल्सही १२ गुणांसह चौथ्या स्थानावर आहे. गुजरात टायटन्स पाचव्या, तर दिल्ली कॅपिटल्स सहाव्या स्थानावर आहे.